الیکٹرانک میڈیا ایسوسی ایشن تحصیل سرائے عالمگیر کا اہم اجلاس زیر صدارت صدر ساجد محمود کھوکھر منعقد ہوا
سرائے عالمگیر (محمد زاہد خورشید)الیکٹرانک میڈیا ایسوسی ایشن تحصیل سرائے عالمگیر کا اہم اجلاس زیر صدارت صدر ساجد محمود کھوکھر منعقد ہوا جنرل سیکرٹری جبران مرزا نے اجلاس کاروائی کا آغاز تلاوت قرآن پاک سے کرایا جس کی سعادت امین فاروقی نے حاصل کی جبکہ بار گاہ رسالت مآب ﷺ میں نذرانہ عقیدت کے پھول راجہ سہیل نے نچھاور کیے،جنرل سیکرٹری جبران مرزا نے اجلاس ایجنڈا پر دوستوں کی رائے لی اور متفقہ طور پر طے پایہ کہ سرکاری اداروں میں شہریوں کو درپیش مسائل کے حوالے سے منظم لائحہ عمل طے کیا گیا،سرکاری اداروں کے مسائل او ر عوامی مشکلات کو الیکٹرانک میڈیا پر منظر عام پر لایا جائے گا، اجلاس میں سینئر صحافی ڈاکٹر احتشام اللہ مرزا کی وفات اور صحافی شمعون مرزا کی ساس صاحبہ کی وفات پر اظہار افسوس اور فاتحہ خوانی کی گئی اور چیئرمین شاہد حسین انجم اور صحافی ڈاکٹر محمد خلیل کی صحت یابی کیلئے بھی دُعا کی گئی، اجلاس میں صدر ساجد محمود کھوکھر،جنرل سیکرٹری جبران مرزا،سینئر نائب صدر سید کلیم شاہ،چیئرمین مجلس عاملہ راجہ سہیل،نائب صدر عامر شہزاد ملک،نائب صدر اویس مدنی، ممبر محمد امین فاروقی نے شرکت کی،آخر میں ملک و قوم کی سلامتی و ترقی کیلئے اجتماعی دُعا دُعا محمد امین فاروقی نے کرائی۔۔
Comments