ایکسائز اینڈ ٹیکسیشن دینہ کی غفلت و ناہلی۔ منگلا روڈ دینہ پر بغیر نمبر پلیٹ، بغیر لائسنس اور بغیر ہیلمٹ کے رکشہ، چنگ چی اور لوڈر رکشے دھڑلے سے رواں دواں، رکشوں کے ذریعے زائد لوڈنگ اور مقررہ حد سے زیادہ کرایہ وصول کرنا معمول بن چکا
دینہ( نثار احمد مغل)ایکسائز اینڈ ٹیکسیشن دینہ کی غفلت و ناہلی۔ منگلا روڈ دینہ پر بغیر نمبر پلیٹ، بغیر لائسنس اور بغیر ہیلمٹ کے رکشہ، چنگ چی اور لوڈر رکشے دھڑلے سے رواں دواں ہیں۔ ان رکشوں کے ذریعے زائد لوڈنگ اور مقررہ حد سے زیادہ کرایہ وصول کرنا معمول بن چکا ہے۔شہریوں کا کہنا ہے کہ اگر کوئی شخص ان رکشہ ڈرائیوروں سے کرایہ یا قانونی دستاویزات کے بارے میں استفسار کرے تو وہ بدتمیزی اور گالی گلوچ پر اتر آتے ہیں۔ اس تمام صورتحال میں متعلقہ انتظامیہ اور ایکسائز اینڈ ٹیکسیشن کی خاموشی سوالیہ نشان بن چکی ہے، جو لمحہ فکریہ ہے۔ تحصیل پریس کونسل دینہ کے صدر نثار احمد وعوامی حلقوں نے اعلیٰ حکام سے فوری نوٹس لینے اور غیر قانونی رکشوں کے خلاف مؤثر کارروائی کا مطالبہ کیا ہے
