دینہ(رضوان سیٹھی)دینہ کے قریب جی ٹی روڈ بوڑا جنگل کے مقام پر ٹریفک کا خوفناک حادثہ ، تیز رفتار بس نے موٹرسائیکل سوار میاں بیوی کو کچل ڈالا جس سے میاں بیوی موقع پر ہی جاں بحق ہو گئے ، حادثہ بوڑا جنگل کے مقام پر یوٹرن لیتے ہوئے پیش آیا ، حادثے کی اطلاع ملتے ہی ریسکیو 1122موقع پر پہنچ گئی اور جاں بحق میاں بیوی کی ڈیڈ باڈی کو ہسپتال منتقل کیا ، حادثے میں جاں بحق ہونے والی میاں بیوی کا تعلق جہلم کے گاؤں جکر سے تھا ، میتیں گھر پہنچنے پر کہرام مچ گیا ۔ تفصیلات کے مطابق دینہ کے قریب جی ٹی روڈ بوڑا جنگل کے مقام پر ٹریفک کا خوفناک حادثہ پیش آیا ، لاہور کی طرف سے آنے والی تیز رفتار بس نمبری BSC-088نے یوٹرن لینے والے موٹرسائیکل نمبری JMK-7009میاں بیوی کو کچل ڈالا ، حادثہ اتنا شدید تھا کہ موٹرسائیکل سوار میاں بیوی موقع پر ہی جاں بحق ہو گئے ، جاں بحق ہونے والوں میں شفاقت علی ولد کرم الہی عمر 52سال ، صائقہ زوجہ شفاقت علی عمر 48سال ساکنائے جکر جہلم ہے ، حادثے کی اطلاع ملتے ہی ریسکیو 1122پہنچ گئی اور جاں بحق ہونے والے میاں بیوی کی ڈیڈ باڈی کو مقامی ہسپتال منتقل کیا ، حادثے میں جاں بحق ہونے والے میاں بیوی کی ڈیڈ باڈی گھر پہنچنے پر کہرام مچ گیا ۔
