دینہ (رضوان سیٹھی سے) دینہ میں غریب محنت کش ریڑھی فروش کی رات کی تاریکی میں ہزاروں روپے مالیت کی ریڑھی چوری، غریب محنت کش محمد مطلوب اپنے بچوں کا رزق کمانے میں مشکلات اعلیٰ احکام میری دادرسی کرتے ہوئے ریڑھی برآمد کروائیں تاکہ میں اپنے بچوں کا رزق حلال کما سکوں، ریڑھی بان محمد مطلوب کی گفتگو۔ تفصیلات کے مطابق گزشتہ روز دینہ پنڈ جاٹہ کا رہائشی محمد مطلوب ولد محمد رشید حسب معمول اپنی ریڑھی رات کو محلہ معصوم شاہ والی گلی میں کھڑی کر کے گیا تو جب صبح واپس آیا تو دیکھا ریڑھی غائب تھی کافی تلاش کرنے پر کچھ پتہ نہ چل سکا، اعلیٰ احکام سے میری اپیل ہے کہ میری دادرسی کرتے ہوئے ہزاروں روپے مالیت کی ریڑھی برآمد کروائی جائے تاکہ میں اپنے بچوں کا رزق حلال آسانی سے کما سکوں میرے ساتھ زیادتی ہوئی ہے متاثرہ محمد مطلوب کی میڈیا سے گفتگو۔
