دینہ (رضوان سیٹھی سے) وزیر اعلیٰ پنجاب مریم نواز شریف کے سخت احکامات پر دینہ منگلا روڈ پر کسی بھی حادثہ سے بچنے کے لیے فٹ پاتھ پر ننگے نالوں پر پڑیاں ڈال کر نالوں کو بند کردیا سانحہ لاہور کے بعد انتظامیہ حرکت میں آ گئی۔ تفصیلات کے مطابق وزیر اعلیٰ پنجاب مریم نواز شریف کے سخت احکامات پر سانحہ لاہور کے بعد دینہ منگلا روڈ پر بھی چلنے والے پیدل فٹ پاتھوں پر ننگے نالوں کو فوری طور پر بند کیا جا رہا ہے تاکہ کسی بھی قیمتی جان کا ضیاع نہ ہو سکے، ڈپٹی کمشنر جہلم میر رضا اوزگن نے ہدایت کی کہ مانیٹرنگ ٹیمیں روزانہ کی بنیاد پر پیش رفت کی رپورٹ جمع کروائیں تاکہ کام کی شفافیت برقرار رہے انتظامیہ کے افسران کی براہ راست نگرانی میں واسہ اور آر ایم ڈبلو سی کے حکام کھلے نالوں کی صفائی اور ان کی پراپر کورنگ کو یقینی بنا رہے ہیں اس آپریشن کا بنیادی مقصد کسی بھی ناخوشگوار واقع کے خدشہ کو جڑسے ختم کرنا اور حکومتی حفاظتی معیارات پر سختی سے عملدرآمد کروانا، ضلعی انتظامیہ حکومتی ویژن کے مطابق عوام کے جان و مال کے تحفظ کے لیے تمام دستیاب وسائل بروئے کار لا رہی ہے۔
