دینہ(رضوان سیٹھی سے) دینہ کے نواحی علاقہ ساہو چک میں نامعلوم چور گورنمنٹ پرائمری سکول کا بجلی کا ٹرانسفارمر کی تمام اشیاء نکال کر لے گئے جبکہ خالی ٹرانسفارمر چھوڑ کر فرار ہو گئے جب صبح لوگوں نے دیکھا تو ٹرانسفارمر اندر سے بالکل خالی تھا، علاقہ مکینوں کا کہنا ہے کہ کسی عام بندے کا کام نہیں ہے تحصیل دینہ کے گردونواح میں درجنوں ٹرانسفارمر چوری کی وارداتیں ہو چکی ہیں جن کا ابھی تک کچھ پتہ نہ چل سکا اعلیٰ احکام اس کا نوٹس لیں۔ تفصیلات کے مطابق گزشتہ روز دینہ کے نواحی علاقہ ساہو چک میں نامعلوم چور رات کی تاریکی کا فائدہ اٹھاتے ہوئے گورنمنٹ پرائمری سکول ساہو چک کا ٹرانسفارمر جو کہ سکول کے باہر لگا ہوا تھا ٹرانسفارمر کا مکمل سامان نکال کر لے گئے اور خالی ٹرانسفارمر کا ہول چھوڑ کر فرار ہو گئے، صبح جب لوگوں نے دیکھا تو تاریں کٹی ہوئی تھیں اور ٹرانسفارمر کا اندر سے سامان غائب تھا، علاقہ مکینوں کا کہنا ہے کہ یہ کسی عام بندے کا کام نہیں ہے دینہ کے گردونواح میں درجنوں ٹرانسفارمر چوری کی وارداتیں ہو چکی ہیں جن کا بھی تک کچھ پتہ نہیں جس سے حکومت کو کروڑوں روپے کا نقصان ہو چکا ہے لہذا اعلیٰ سطح پر انکوائری کی جائے۔
