جہلم (نعیم احمد بھٹی) ایک طرف آٹا مہنگا ہونے پر تندور مالکان کی ہڑتال تو دوسری طرف پیرا فورس بھی ان ایکشن روٹی مہنگی فروخت کرنے والے شہر کے مختلف علاقوں میں 05 تندور سیل کر دئیے گئے تندور مالکان کا کہنا ہے کہ آٹا مہنگا ہوچکا 14 روپے کی روٹی فروخت نہیں کر سکتے حکومت آٹا مل مالکان کے خلاف کوئی کارروائی نہیں کرتی جبکہ ہم پر پیرا فورس کو مسلط کر دیا گیا انتظامیہ ہمارے ساتھ زیادتی کر رہی ہے جبکہ پیرا فورس اہلکار محمد عثمان کا کہنا ہے کہ حکومت کی ہدایات کے مطابق روٹی 14 روپے میں فروخت کرنے کے احکامات ہیں لیکن کچھ تندور مالکان روٹی 20 روپے کی فروخت کر رہے ہیں جن کے تندور سیل کر دیے گئے ہیں۔ تفصیلات کے مطابق ایک طرف آٹا مہنگے داموں ملنے پر تندور مالکان کی ہڑتال تو دوسری جانب پیرا فورس بھی ان ایکشن روٹی مہنگی فروخت کرنے پر 05 تندور سیل کر دیے گئے کچھ روز سے تندور مالکان نے روٹی کی فروخت بند کر رکھی تھی تندور مالکان کا جب موقف لیا گیا تو ان کا کہنا تھا کہ حکومت آٹا مل مالکان کے خلاف کوئی کارروائی نہیں کرتی جنہوں نے آٹے کے ریٹ بڑھا دیے ہیں ان کا زور تندور مالکان پر ہی چلتا ہے جب آٹا سستا تھا تو روٹی 14 روپے میں فروخت کر رہے تھے لیکن کچھ روز پہلے آٹا مل مالکان نے قیمتیں بڑھا دیں ہم کیسے 14 روپے میں روٹی فروخت کریں آج پیرا فورس نے ہمارے تندور کو سیل کر دیا یہ سرا سر زیادتی ہے دوسری طرف پیرا فورس اہلکار محمد عثمان کا کہنا ہے کہ حکومت کی ہدایات کے مطابق روٹی 14 روپے میں فروخت کرنے کے احکامات ہیں لیکن تندور مالکان روٹی 20 روپے کی فروخت کر رہے جس کی وجہ سے ان تندوروں کو سیل کر دیا گیا جو دکاندار حکومتی احکامات پر عمل نہیں کریں گے ان کے خلاف قانونی کارروائی ضرور ہوگی
