*ڈی ای او عطیہ حمید کی نگرانی میں جمیل بھٹی کی جانب سے گرلز ہائی سکول بگا کی طالبات میں یونیفارم، سکول بیگز اور شوز تقسیم*
جہلم(ظہیر عبّاس)تفصیلات کے مطابق ڈسٹرکٹ ایجوکیشن آفیسر میڈم عطیہ حمید کی نگرانی میں صدر جہلم فورم سپورٹس ونگ جمیل بھٹی کی جانب سے گورنمنٹ گرلز ہائی سکول بگا کی طالبات میں یونیفارم، سکول بیگز اور شوز تقسیم کئے گئے۔اس پروقار تقریب کی مہمان خصوصی میڈم عطیہ حمید تھیں۔اس موقع پر چیئرمین یوتھ اسمبلی فار ہیومن رائٹس ضلع جہلم عبدلغفور چوہان ، نیوز رپورٹر ظہیر عباس اور ہیڈ مسٹرس ادارہ نعیمہ اکرام بھی موجود تھیں۔ڈسٹرکٹ ایجوکیشن آفیسر عطیہ حمید نے اپنے خطاب میں جمیل بھٹی کے اس فلاحی اقدام کو سراہتے ہوئے کہا کہ بچیوں کی تعلیم میں معاونت کرنا ایک عظیم خدمت ہے۔ ایسے اقدامات سے نہ صرف طالبات کی حوصلہ افزائی ہوتی ہے بلکہ والدین کا بوجھ بھی کم ہوتا ہے۔انہوں نے عبدالغفور چوہان کی خصوصی کاوشوں کو بھی سراہا۔اس موقع پر جمیل بھٹی نے کہا کہ تعلیم ہر بچے کا بنیادی حق ہے اور مخیر حضرات کو چاہیے کہ وہ مستحق طلبہ و طالبات کی مدد کے لیے آگے آئیں۔تقریب کے اختتام پر طالبات میں یونیفارم، سکول بیگز اور شوز تقسیم کیے گئے جبکہ شرکاء نے اس فلاحی کاوش کو بے حد سراہا۔
