دینہ (رضوان سیٹھی سے ) دینہ مین بازار میں غیر قانونی تجاوزات کے خلاف بڑے آپریشن کا آغاز کر دیا گیا ، تجاوزات کی مد میں کئی کئی فٹ دوکانیں زد میں آ گئیں ، آپریشن سے دوکانیں ،پختہ تھڑے ، سائن بورڈ مسمار ، آپریشن کے دوران سیکیورٹی کے سخت ترین انتظامات کسی بھی ناخوشگوار واقعہ سے نمٹنے کے لیے پولیس ہائی الرٹ رہی ، بلاتفریق آپریشن کا آغاز کر دیا ہے کئی لوگ اپنی مدد آپ کے تحت تجاوزات کو ختم کر رہے ہیں آپریشن کل بروز اتوار کو بھی اسی رفتار کے ساتھ جاری رہے گا کسی کے ساتھ کوئی زیادتی نہیں ہو گی ، اسسٹنٹ کمشنر دینہ صفاء عابد کی میڈیا سے گفتگو ۔ تفصیلات کے مطابق دینہ مین بازار میں غیر قانونی تجاوزات کے خلاف بڑے آپریشن کا آغاز کر دیا گیا ، صبح سویرے ہیوی مشینری کے ساتھ تجاوزات کی زد میں آنے والی درجنوں دوکانوں ، پختہ تھڑے ، سائن بورڈ کو مسمار کر دیا گیا ، آپریشن کے دوران اسسٹنٹ کمشنر دینہ صفاء عابد خود نگرانی کرتی رہیں اور تجاوزات کی زد میں آنے سے کئی دوکانوں کے فرنٹ کو گرا دیا گیا ، آپریشن کے دوران تحصیلدار دینہ شمشیر حیدر رانجھا ، ایم او آئی سہیل اشرف ، ہیڈ کلرک میاں سہیل ، پٹواری چوہدری امجد بھی ہمراہ تھے، اس موقع پر اسسٹنٹ کمشنر دینہ صفاء عابد نے میڈیا سے گفتگو کرتے ہوئے کہا کہ بلا تفریق آپریشن کا سلسلہ جاری ہے اور اس کے بعد داتا روڈ ،منگلا روڈ اور ریلوے روڈ پر بھی آپریشن شروع ہو گا ، کل اتوار کے روز بھی اسی رفتار کے ساتھ آپریشن جاری رہے گا نالوں کے بارے میں میڈیا سے گفتگو کرتے ہوئے کہا کہ آئندہ چند روز میں اس کا بھی فیصلہ ہو جائے گا ہماری کوشش ہو گی کہ روڈ کو ایک لیول پر لے کر آ جائیں اور اسی لیول سے بازار کھلا نظر آئے گا مگر اس پر حتمی فیصلہ نہیں کیا گیا ، آپریشن مکمل کرنے کے بعد حکمت عملی موجودہے کہ دوبارہ تجاوزات قائم نہ ہوں ایف آئی آر کا بھی آپشن موجود ہے ، آپریشن کے دوران کسی بھی ناخوشگوار واقعہ سے نمٹنے کے لیے پولیس کی بھاری نفری ہائی الرٹ رہی ۔
