جہلم (پروفیسر خورشید ڈار)گورنمنٹ ہائیر سیکنڈری سکول دینہ میں 69 گروپ کے زیرِ اہتمام مستحق طلبہ و طالبات میں یونیفارم اور شوز تقسيم ،تقریب کے مہمانِ خصوصی مشیر وزیراعلیٰ پنجاب برائے صحت میجر جنرل (ر) اظہر محمود کیانی تھے
تفصیلات کے مطابق گورنمنٹ ہائر سیکنڈری سکول دینہ میں سابق طالب علموں پر مشتمل 69 گروپ کے زیرِ اہتمام مستحق طلبہ و طالبات میں یونیفارم اور شوز تقسیم کرنے کی تقریب منعقد ہوئی۔ تقریب کے مہمانِ خصوصی مشیر وزیراعلیٰ پنجاب برائے صحت میجر جنرل (ر) اظہر محمود کیانی تھے۔تقریب میں سی ای او ایجوکیشن ضلع جہلم ڈاکٹر نازیہ شہزادی، اسسٹنٹ کمشنر دینہ صفا عابد، ڈپٹی ڈائریکٹر سوشل ویلفیئر خضر حیات خان، ایڈووکیٹ فرحت کمال ضیا، ڈی ای او سیکنڈری محمد شہزاد اور ڈپٹی ڈی ای او سیکنڈری ملک صفدر علی نے خصوصی شرکت کی۔ جبکہ خصوصی دعوت پر راجہ افراسیاب، مرکزی صدر گکھڑ فیڈریشن بھی تقریب میں شریک ہوئے۔اس موقع پر 69 گروپ کی جانب سے مہمانِ خصوصی مشیر صحت، سی ای او ایجوکیشن ، اسسٹنٹ کمشنر دینہ ، ڈپٹی ڈائریکٹر سوشل ویلفیئر خضر حیات خان اور ایڈوکیٹ ضیاء الملک کو ان کی تعلیمی و سماجی خدمات کے اعتراف میں تعریفی شیلڈز پیش کی گئیں۔تقریب سے خطاب کرتے ہوئے مشیر صحت میجر جنرل (ر) اظہر محمود کیانی اور سی ای او ایجوکیشن ڈاکٹر نازیہ شہزادی نے 69 گروپ کی کاوشوں کو سراہا اور کہا کہ سابق طلبہ کا اپنے ادارے اور مستحق بچوں کے لیے آگے آنا قابلِ تقلید مثال ہے۔ انہوں نے طلبہ کو دل لگا کر تعلیم حاصل کرنے اور مثبت کردار ادا کرنے کی تلقین بھی کی۔
