پروفیسر خورشید علی ڈار کی رپورٹ کے مطابق ۔صفاء عابد اسسٹنٹ کمشنر دینہ نے آج منگلا روڈ کو دونوں جانب تجاوزات کے حوالے سے چیک کیا گیا اور ایسے دکاندار جو غلطی کے مرتکب پائے گئے حکم دیا گیا کہ مختصر عرصے میں تجاوزات کو ختم کیا جائے اسی طرح منگلا روڈ پر جو میرج ہالز واقع ہیں ان کو بھی چیک کیا گیا کہ کہیں وہ قانون کی خلاف ورزی تو نہیں کر رہے بہرحال اس حوالے سے مجموعی طور پر میرج ہالز قانون کی پاسداری کرتے ہوئے دکھائی دیے لیکن ایک دو میرج ہالز ایسے تھے جنہوں نے قانون کی خلاف ورزی کی میڈم نے مروجہ قانون کے تحت نہ صرف ان کو تنبیہ کی بلکہ جرمانہ بھی کیا اور اسی طرح گوشت فروخت کرنے والوں کو بھی بڑی گہری نگاہوں سے دیکھا گیا کہ ان کے کسی فعل سے شہری متاثر نا ہوں ان کو تنبیہ کی گئی کہ صاف گوشت دیا جائے صحت مند گوشت دیا جائے اور حکومت کے ریٹ کے مطابق دیا جائے بصورت دیگر اپ کے خلاف کاروائی ہوگی۔
