دینہ ( رضوان سیٹھی سے) وزیر اعلیٰ پنجاب مریم نواز شریف کے ویژن اور ڈپٹی کمشنر جہلم میر رضا اوزگن کی خصوصی ہدایت پر تحصیل دینہ میں امام مساجد کے لیے 25ہزار کے پے آرڈر کی تقسیم کا عمل شروع ہو گیا ،امام مسجد میں خوشی کی لہر دوڑ گئی اس اہم اقدام کا بنیادی مقصد مذہبی پیشوا وَں کی گرانقدر خدمات کا سرکاری سطح پر اعتراف کرنا اور ان کی معاشی معاونت کو یقینی بنانا ہے ، ڈپٹی کمشنر جہلم میان رضا اوزگن ۔ تفصیلات کے مطابق گزشتہ روز وزیر اعلیٰ پنجاب مریم نواز شریف کے ویژن اور ڈپٹی کمشنر جہلم میر رضا اوزگن کی ہدایت پر تحصیل دینہ میں بھی 25ہزار کے پے آرڈر کی تقسیم کا عمل باقاعدہ طور پر شروع کر دیا گیا ہے 290امام مساجد میں سے 234امام مساجد میں پے آرڈر تقسیم کیے گئے جن میں دینہ ، پنڈوری ، کھوکھا ، راجو پنڈی ، ساہو چک اور دیگر دیہات شامل تھے ، اسسٹنٹ کمشنر دینہ صفاء عابد نے تحصیل آفس میں امام مساجد میں پے آرڈر تقسیم کیے جبکہ باقی پے آرڈر کی فراہمی کا جلد عمل شروع ہو گا ، اس موقع پرڈپٹی کمشنر جہلم میر رضا اوزگن نے کہا کہ اسسٹنٹ کمشنر کو پابند کیا گیا ہے کہ چاروں تحصیلوں میں پے آرڈر کی تقسیم کا عمل کی نگررانی خود کریں تاکہ تما م حقدار امام مساجد کو ان کا اعزازیہ بغیر کسی تاخیر کے مل سکے انہوں نے کہا کہ یہ اقدام بین المذاہب ہم آہنگی کے فروغ اور معاشرے کے اہم طبقے کی فلاح بہبود کی طرف ایک مثبت قدم ہے جس کے لیے ضلعی انتظامیہ تمام ضروری سہولیات فرام کر رہی ہے آخر میں امام مساجد نے پے آڑڈر ملنے پر وزیر اعلیٰ پنجاب مریم نواز شریف اور ڈپٹی کمشنر جہلم میر رضا اوزگن کا شکریہ اداکیا اور اس اقدام کو سراہا ۔
