دینہ (رضوان سیٹھی سے) ڈسٹرکٹ پولیس آفیسر طارق عزیز سندھو کا ٹریفک لائسنس سنٹر دینہ کا دورہ، پبلک سروس ڈیلیوری میں غفلت اور کرپشن سے متعلق موصول ہونے والی شکایات پر انچارج ٹریفک لائسنس سنٹر دینہ فیصل محمود کو فوری طور پر معطل کر دیا اور واقعہ کی مکمل شفاف انکوائری ڈی ایس پی انویسٹی گیشن کے سپرد کر دی۔ تفصیلات کے مطابق گزشتہ رو ز ڈسٹرکٹ پولیس آفیسر جہلم طارق عزیز سندھو نے ٹریفک لائسنس سنٹر دینہ کا دورہ کیا، شکایات پر انچارج ٹریفک لائسنس سنٹر دینہ فیصل محمود کو فوری طور پر معطل کر دیا اور واقعہ کی مکمل شفاف انکوائری ڈی ایس پی انویسٹی گیشن کے سپرد کر دی پبلک سروس ڈیلیوری کے نظام عملے کے رویے اور شہریوں کو فراہم کی جانے والی سہولیات کا تفصیلی جائزہ لیا اور شہریوں سے براہ راست ملاقات کر کے ان کے مسائل اور شکایات بھی سنی، اس موقع پر ڈی پی او جہلم طارق عزیز سندھو نے کہا کہ عوام کو بلا رکاوٹ شفاف اور میرٹ پر سہولیات کی فراہمی پولیس کی اولین ذمہ داری ہے پبلک سروس ڈیلیوری میں کسی قسم کی غفلت یا کرپشن ہر گز برداشت نہیں کی جائے گی جبکہ شکایات ثابت ہونے کی صورت میں متعلقہ افسران و اہلکاروں کے خلاف محکمانہ کاروائی عمل میں لائی جائے گی۔
