جہلم (مشرف جنجوعہ) امیر جماعت اسلامی پاکستان حافظ نعیم الرحمن کی اپیل پر جہلم میں بھی پیٹرول ، ڈیزل اور گیس کی بے تحاشہ بڑھتی قیمتوں پر احتجاجی مظاہرہ کیا گیا ، مظاہرین سے اسسٹنٹ سیکرٹری جنرل پاکستان اظہر اقبال حسن نے خطاب کرتے ھوئے حکومت وقت سے اپیل کی کہ وہ یہ اضافہ فی الفور واپس لے ، غریب عوام پہلے ہی مہنگائی کی چکی میں پس رہے ہیں ان پر مزید پٹرول بم نہ گرائے جائیں ، انہوں نے کہا کہ خطہ میں اس وقت پاکستان میں پٹرولیم مصنوعات کے ریٹ سب سے زیادہ ہیں ، آج کا یہ علامتی مظاہرہ ہے ، اگر قیمتوں میں اضافہ واپس نہ لیا گیا تو ملک بھر میں احتجاجی مظاہروں کا دائرہ کار بڑھا فیا جائے گا ، اس موقع پر امیر جماعت اسلامی ضلع جہلم ڈاکٹر قاسم محمود چوہدری ، نائب امیر ضلع سید ضیاء اللّٰہ بخاری ، امیر شہر حافظ ظفر اقبال ملک اور مظاہرین کی بڑی تعداد موجود تھی ،
