دینہ( محمد الیاس کھوکھر) ایس ایچ او راجہ عمران کی انجمن شہریان کے انفارمیشن سیکرٹری سے بدتمیزی ، میڈم سی ایم کے واضع احکامات ہیں کہ سر کہہ کر بلایا جائے لیکن سب کی سامنے میری تذلیل کی گئی ، داد رسی کی جائے ، ڈی پی او کوتحریری درخواست میں اپیل ، تفصیلات کے مطابق انجمن شہریان جہلم کے انفارمیشن سیکرٹری اور ممبر جہلم فورم محمد سجاد کھوکھر نے میڈیا کو بتایا کہ مورخہ 22 مئی 2026 بروز جمعہ رات 10 بجے تھانہ سول لائن کے ایس ایچ او راجہ عمران نے وائے کراس سول لائن جہلم پر ناکے لگا رکھا تھا جب میں وہاں سے گزرا تو میرے پڑوس کے بچے جو موٹر بائک پر سوار تھے انھیں ایس ایچ او راجہ عمران نے روک رکھا تھا ۔ میں ایک سائیڈ پر رک گیا اور کھڑے ہو کرسارا معاملہ دیکھتا رہا جب کافی دیر تک بچوں کو روکے رکھا تو میں نے آگے بڑھ کر کہا کہ سر یہ میرے پڑوسی ہیں ، شریف اور عزت دار ہیں کوئی جرائم پیشہ نہ ہیں ۔ میں دیکھ رہا ہوں کہ کافی دیر سے آپ نے انھیں روکا ہوا ہے یا تو ان کا چالان کریں یا پھر ان کو گھر جانے دیں کیونکہ ان کے گھر والے پریشان ہوں گے ۔ جس پر ایس ایچ او عمران آپے سے باہر ہو گیا ، نازیبا زبان استعمال کی اور میری شدید تذلیل کرتے ہوئے کہا کہ میں تین گھنٹے سے ادھر کھڑا ہوں تم مجھے بتاؤ گے کہ کیا کرنا ہے اور کیا نہیں کرنا ۔ میں نے کہا کہ سر آپ میرے ساتھ بدتمیزی کر رہے ہیں جس پر پولیس ملازم طارق مجھے وہاں سے دور لے گیا اور کہا کہ سر آپ جائیں ۔ ابھی طارق یہ بات ہی کر رہا تھا کہ ایس ایچ او راجہ عمران نے اونچا اونچا کہنا شروع کر دیا کہ ” اسے پکڑ کے میرے پاس لاؤ ” ۔ سجاد کھوکھر نے سوال کیا کہ ایس ایچ او ایسا کیوں کہہ رہا تھا کیا وہ مجھ پر تشدد کرنا چاہتا تھا ؟ ۔ انھوں نے کہا کہ وزیر اعلیٰ مریم نواز کی واضع ہدایات ہیں کہ شہری اگرمرد ہے تو اسے سر کہہ کر مخاطب کیا جائے لیکن ایس ایچ او راجہ عمران نے میری شدید تذلیل کی اور میرے ساتھ نازیبا زبان استعمال کی ۔ سجاد کھوکھر نے بتایا کہ ہم نے گرین بیلٹ ، معرکہء حق اور پاک چائنہ دوستی کے پروگراموں میں ضلعی اور تحصیل انتظامیہ کے ساتھ مل کر کام کر رہے ہیں اس کے علاوہ مفاد عامہ کے تمام کاموں میں انتظامیہ کے شانہ بشانہ کھڑے ہیں ۔ انھوں نے کہا کہ میں نے ڈسٹرکٹ پولیس آفیسر جہلم محمد شفیق چوہدری کو اپنے ساتھ پیش آنے والے واقعہ کی تحریری درخواست دے دی ہے ۔ محمد سجاد کھوکھر نے میڈیا کے ذریعے آئی جی پنجاب راؤ عبدلکریم اور وزیر اعلیٰ پنجاب مریم نواز شریف مطالبہ کیا ہے کہ شریف اور معزز شہریوں کے ساتھ نازیبا زبان استعمال کرنے اور سرعام تذلیل کرنے پر ایس ایچ او تھانہ سول لائن راجہ عمران کو فی الفور نوکری سے برطرف کیا جائے ۔
