دینہ الیکٹرانک میڈیا کے زیر انتظام دینہ کی دو صحافتی تنظیموں کا مشترکہ اجلاس کا انعقاد، ضلعی و تحصیل انتظامیہ کے غیر مناسب رویہ کے خلاف احتجاج ریکارڈ کرایا گیا،،دونوں پریس کلب ایک پلیٹ فارم پر مشترکہ اعلامیہ جاری
دینہ(ادریس چودھری)دینہ الیکٹرانک میڈیا کے زیر انتظام دینہ کی دو صحافتی تنظیموں کا مشترکہ اجلاس زیر صدارت رب نواز گوندل انعقاد،دونوں پریس کلب ایک پلیٹ فارم پر مشترکہ اعلامیہ جاری،تحصیل دینہ و ضلعی انتظامیہ کے غیر مناسب رویہ پر سرکاری تقریبات کے مکمل بائیکاٹ کا مشترکہ فیصلہ ۔تفصیلات کے مطابق گزشتہ روز تحصیل دینہ کی دو بڑی صحافتی تنظیموں دینہ الیکڑانک میڈیا و دینہ پریس کلب کا مشترکہ اجلاس زیر صدارت رب نواز گوندل منعقد ہوا جس میں صحافی برادری کے مسائل پر روشنی ڈالی گئی اور اہم فیصلے کیے گئے ،اجلاس کا آغاز تلاوت قرآن پاک سے کیا گیااس کے بعد الیکٹرانک میڈیا کے صدر رب نواز گوندل نے اجلاس سے خطاب کرتے ہوئے کہا کہ دینہ کی صحافی برادری کو درپیش مسائل کے پیش نظر آج کا اجلاس طلب کیا گیا ہے جس کا مین ایجنڈا تحصیل دینہ کی صحافی برادری کے ساتھ ضلعی انتظامیہ،تحصیل دینہ انتظامیہ اور دیگر اداروں کی جانب سے ہتک آمیز رویہ اور کوآرڈینیشن کے فقدان ہے انہوں نے کہا کہ آج پورے ملک میں کشمیریوں کے ساتھ اظہار یکجہتی کی تقریبات کا انعقاد کیا گیا جب کہ تحصیل دینہ انتظامیہ و سربراہان کی جانب سے نہ کسی سیاسی تقریب کا انعقاد ہوا اور اگر ہوا بھی تو اس کی اطلاع صحافی برادری کو نہ دی گئی صدر دینہ پریس کلب سید توقیر آصف شاہ نے اجلاس سے خطاب کرتے ہوئے کیا کہ موجودہ حالات میں دینہ کی صحافی برادری کا ایک پلیٹ فارم پر ہونا ضروری ہے دینہ کی صحافی برادری نے ہمیشہ مثبت صحافت کی لیکن انتظامیہ کی جانب سے صحافی برادری کو اہمیت نہ دی گئی انہوں نے مزید کہا کہ پیکا ایکٹ ایک ایسا قانون ہے جو صحافی کی آواز کو دبانے کے لیے بنایا گیا جس کی پر زور مزمت کرتے ہیں ،چیئر مین دینہ پریس کلب امجد محمود سیٹھی نے اجلاس میں گفتگو کرتے ہوئے کہا کہ دینہ کی صحافی برادری کا اکٹھ لازم ہے ،دینہ کی صحافی برادری کے مسائل کے حوالے سے رب نواز گوندل کی خدمات قابل ستائش ہیں ،ہمیں ایک پلیٹ فارم پر آنا ہو گا آخر پر اجلاس کا مشترکہ اعلامیہ جاری کیا گیا جس میں دینہ کی صحافی برادری کو ایک پلیٹ فارم کا اعلان کیا گیا، دوسرا اعلان یہ کیا گیا کہ ضلعی و تحصیل انتظامیہ کے غیر مناسب رویہ کے خلاف احتجاج ریکارڈ کرایا گیا اور اعلان کیا گیا کہ آئندہ تمام سرکاری تقریبات کا مکمل بائیکاٹ کیا جائے گا،اجلاس میں خصوصی طور پر اقبال خان،ماجد آفریدی، ڈاکٹر اسد شبیر،میاں ذوالفقار احمد ،سید جانگیر شاہ،رب نواز گوندل،امجد محمود سیٹھی،سید توقیر آصف شاہ،سید ذوالقرنین شاہ،رضوان سیٹھی،محمد افضل،سہیل انجم قریشی،شازیب بٹ،فیضان کیانی سمیت دیگر دوست احباب نے شرکت کی۔
