دینہ ( بیورو رپورٹ ) سیاسی دباؤ یا دوستی ، انکوائری مکمل ہونے کے باوجود ڈاکٹر جواد سلمان کے خلاف کاروائی نہ ہو سکی ، ڈی ڈی ایچ او دینہ ڈاکٹر ارشاد علی تونیو کی شفاف اور غیر جانبدارانہ انکوائری سے مکمل مطمئن ہوں ، الیاس کھوکھر ، تفصیلات کے مطابق سینئر صحافی محمد الیاس کھوکھر کے علاج میں انتہائی غفلت برتنے پر انچارج سینئر میڈیکل آفیسر آر ایچ سی دینہ ڈاکٹر جواد سلمان کے خلاف سی ای او ہیلتھ جہلم ڈاکٹر میاں مظہر حیات نے ڈی ڈی ایچ او دینہ ڈاکٹر ارشاد علی تونیو کو 5 دن میں انکوائری مکمل کر کے رپورٹ بھیجنے کی ہدایت کی تھی لیکن انکوائری مکمل ہونے کے باوجود ابھی تک انچارج سینئر میڈیکل آفیسر ڈاکٹر جواد سلمان کے خلاف کوئی کاروائی عمل میں نہ لائی سکی ۔ سینئر صحافی محمد الیاس کھوکھر نے کہا کہ میں ڈی ڈی ایچ او دینہ ڈاکٹر ارشاد علی تونیو کی شفاف اور انتہائی غیر جانبدارانہ انکوائری پر مکمل مطمئن ہوں ۔ انکوائری میں تصاویر اور گواہان کے بیانات قلمبند کروا دیے ہیں ۔انھوں نے کہا کہ جب ایکسیڈنٹ کے بعد مجھے شدید زخمی حالت میں آر ایچ سی دینہ لایا گیا تو وہاں میرا بلڈ پریشر تک نہ چیک کیا گیا ۔ آر ایچ سی دینہ والوں نے میرے زخموں کو صاف بھی نہ کیا ۔ میرے کندھے بازو اور سر میں شدید چوٹیں آئیں تھیں ۔ عملے نے مجھے انجیکشن دیا اور ڈاکٹر جواد سلمان نے 4 ٹیبلٹ دے کر کہا کہ یہ ٹھیک ہیں انھیں گھر لے جائیں حالانکہ اُس وقت بھی میری ناک سے خون بہہ رہا تھا ۔ محمد الیاس کھوکھر نے کہا کہ ابھی تک کاروائی نہ ہونے کی وجہ سیاسی پریشر یا دوستی ہو سکتی ہے ۔ انھوں نے مطالبہ کیا کہ ڈاکٹر جواد سلمان کے خلاف جلد از جلد محکمانہ کاروائی عمل میں لائی جائے ۔
