دینہ:گورنمنٹ بوائز ہائی سکول پنڈوڑی تحصیل دینہ ضلع جہلم میں ریٹائر ھونے والے اساتذہ کے اعزاز میں شاندار تقریب کا اہتمام ۔ بڑی تعداد میں معززین علاقہ اور اساتذہ کی تقریب میں شرکت
دینہ( ادریس چودھری ) گورنمنٹ بوائز ہائی سکول پنڈوڑی تحصیل دینہ ضلع جہلم میں ریٹائر ھونے والے اساتذہ کے اعزاز میں شاندار تقریب کا اہتمام ۔ بڑی تعداد میں معززین علاقہ اور اساتذہ کی تقریب میں شرکت ۔ تفصیلات کے مطابق تحصیل دینہ میں گورنمنٹ بوائز ہائی سکول پنڈوڑی ضلع جہلم میں ریٹائرڈ ھونے والے اساتذہ کے اعزاز میں ایک پروقار تقریب کا اہتمام کیا گیا ۔ ان اساتذہ میں سابق ہیڈ ماسٹر وحید رضا ، ای ایس ایس ٹی محمد عارف اور پی ایس ٹی محمد خالد شامل تھے۔ تقریب میں سٹیج سیکرٹری کے فرائض مذکورہ سکول کے انچارج ہیڈ ماسٹر محمد زبیر جنجوعہ نے سر انجام دئیے۔ مقررین نے اپنی تقاریر میں ریٹائر ہونے
والے اساتذہ کی تعلیمی خدمات کو زبردست خراج تحسین پیش کیا ۔ اس تقریب میں گورنمنٹ ہائی سکول ٹھیکریاں دینہ کے ہیڈ ماسٹر چودھری غلام علی، گورنمنٹ ہائی سکول میانہ محلہ دینہ کے ایس ایس ٹی حافظ عامر علی، گورنمنٹ ہائیر سیکنڈری سکول دینہ کے ای ایس ٹی وحید حیدر رضا ، امجد حسین ، مرزا محمد یعقوب ، چودھری پنوں خان،طلباء ، معززین علاقہ اور دیگر نے کثیر تعداد میں شرکت کی۔ تقریب میں ریٹائر ہونے والے اساتذہ کو تحائف پیش کیے گئے ۔ اختتام تقریب پر سکول ھذا کے ہیڈ ماسٹر محمد زبیر جنجوعہ اور اساتذہ کی جانب سے شرکاء تقریب کے لیے پُرتکلف لنچ کا اہتمام کیا گیا ۔ شرکاء نے ریٹائر ہونے والے اساتذہ کے اعزاز میں شاندار تقریب کا انعقاد کرنے پر سکول ھذا کے ہیڈ ماسٹر محمد زبیر جنجوعہ اور اساتذہ کو زبردست خراجِ تحسین پیش کیا ۔
