*تھانہ ڈومیلی میں پیٹرول پمپ سیل توڑنے پر مقدمہ درج* *گزشتہ روز اسسٹنٹ کمشنر سوہاوہ نے پیمانہ پورا نا ہونے پہ پیٹرول پمپ کو سیل کردیا تھا*جہلم (حافظ محمد یعقوب داتار)اسسٹنٹ کمشنر سوہاوہ کی مدعیت میں تھانہ ڈومیلی میں مقدمہ نمبر 148/26 درج کر لیا گیا۔ مقدمہ زیر دفعات 186، 188 اور 461 تعزیراتِ پاکستان کے تحت درج ہوا۔ تفصیلات کے مطابق 12 مئی 2026 کو انتظامیہ کی جانب سے المعصوم پٹرولیم ڈومیلی کو سیل کیا گیا تھا۔ الزام ہے کہ پمپ مالکان نے سرکاری احکامات کی خلاف ورزی کرتے ہوئے رات گئے سیل توڑ کر دوبارہ پیٹرول کی فروخت شروع کر دی۔ انتظامیہ کا کہنا ہے کہ یہ اقدام حکومتی احکامات، قانون شکنی اور سرکاری اختیارات میں مداخلت کے زمرے میں آتا ہے، جس پر متعلقہ افراد کے خلاف قانونی کارروائی شروع کر دی گئی ہے۔ پولیس نے مقدمہ درج کرکے مزید تفتیش کا آغاز کر دیا ہے۔
