میرپور منگلا(آصف محمود چوہدری) منگلا واپڈا ہسپتال مریضوں کو سہولیات اور ادویات لینے میں انتہائی دشواری کا سامنا غیر معیاری ادویات ایکسپائری ڈیٹ والی ادویات مریضوں کو دی جانے لگی تفصیلات کے مطابق مذکورہ ہسپتال کی عمارت پر کروڑوں روپیہ لگا دیا گیا تاکہ اس ہسپتال سے مریضوں کو مکمل سہولیات مل سکیں ادویات مل سکیں تمام بیماریوں کے ڈاکٹر مل سکیں ملازمین کو طبی سولیات پر اطمینان ہو سکے تمام تر خرچوں کے باوجود مریضوں کو طبی سولیات برائے نام میسر ہیں حاملہ خواتین کے لیے ڈلیوری سینٹر تک موجود نہیں دیگر بیماریوں کے مکمل انتظامات موجود نہیں ادویات غیر معیاری ملتی ہیں اور ایکسپائری ڈیٹ نزدیک والی ادویات خریدی جاتی ہے دوسری جانب ہسپتال کے چند ڈاکٹر خوب جیبیں بھرنے میں مصروف ہیں پریکٹس الاؤنس بھی لے رہے ہیں دیگر سہولتیں بھی لے رہے ہیں اور ساتھ ہی مختلف پرائیویٹ ہسپتالوں میں کلینکوں میں بیٹھتے ہیں تمام قواعد و ضوابط کو ہوا میں اڑایا جا رہا ہے ہونا تو یہ چاہیے تھا کہ یہ ہسپتال منگلا واپڈا ملازمین کے لیے ایک مثالی ہسپتال ہو جہاں پر تمام طبی سہولیات مریضوں کو میسر ہوں ادویات معیاری اور معروف کمپنیوں کی ہوں لیکن ایسا نہیں ہو رہا کروڑوں روپے عمارت پر لگا دیے گئے سٹاف بھی رفتہ رفتہ پورا ہو رہا ہے لیکن پھر بھی ہسپتال کا نظام درست نہیں ہو سکا دیہاڑی لگاؤ والی پالیسی چل رہی ہے ملازمین بے بسی کی تصویر بنے ہوئے ہیں جب کہ مزدور یونین کہ عہدے دار سب کچھ دیکھتے ہوئے خانہ پوری کی کاروائیوں میں مصروف ہیں اور مریض بیچارے خوار ہو رہے ہیں عوام نے چیئرمین واپڈا سے فوری نوٹس لینے کا مطالبہ کیا ہے تاکہ ملازمین کو بہترین طبی سہولیات مل سکیں ہسپتال میں ہونے والی بے ضابطگیوں کا بھی سخت نوٹس لیا جائے ملوث لوگوں کے خلاف سخت سے سخت کاروائی کی جائے
