جہلم// ادریس چودھری//
صاحب اختیار آج بھی اگر حد سے تجاوز کرے گا تو اس کا انجام باعث عبرت ہوگا۔امیر عبدالقدیر اعوان
قارون کے خزانے کی چابیاں سنبھالنے کے لیے ایک جماعت درکار تھی۔دیکھو تو کیسے کیسے حکمران گزرے ہیں جو اپنے آپ کو بادشاہ وقت سمجھ کر فیصلہ صادر کرتے آج وہ سب فنا ہو چکے ہیں۔فرعون کو رہتی دنیا تک باعث عبرت بنا دیا گیا۔آج بھی اگر کوئی حد سے تجاوز کر کے اپنے اختیارات کا غلط استعمال کرے گا تو اس کا انجام بھی ویسا ہی ہوگا۔
امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے روز خطاب۔
انہوں نے کہا کہ آپ ﷺ کے روبرو جنہوں نے گستاخی کی ان کی عبرت کے واقعا ت بڑے واضح ہیں۔آپ ﷺ کی نسبت بات کرنا یا سننا نصیب ہو یہ اللہ کریم کا بہت بڑا احسان ہے۔آپ ﷺ کے موضوع پر بات کرنا بڑی نزاکت ہے اسے اپنا امتحان نہ بنائیں۔جس نے جو کیا ہے وہ نتیجہ پا لے گا۔جس نے جو بھی حاصل کیا اس نے ایمان کی نسبت سے حاصل کیا۔شیخ اور سالک کے رشتے میں دیکھا کریں دینی امور پر بات کرتے ہوئے بھی نزاکت کا خیال رکھا کریں۔دل میں ادب ہو تو یہ نزاکت از خود پیدا ہونا شروع ہو جاتی ہے۔ اللہ کریم صحیح شعور عطا فرمائیں۔
آخر میں انہوں نے ملکی سلامتی اور بقا کی اجتماعی دعا بھی فرمائی۔
