دینہ(رضوان سیٹھی) دینہ کے قریب ٹریفک کا خوفناک حادثہ ، تیز رفتار کار ڈرائیور سے بے قابو ہو کر روڈ سے کھائی میں جا گری ، ماں اور ایک سالہ بچہ شدید زخمی اطلاع ملتے ہی ریسکیو 1122نے موقع پر پہنچ کر دونوں زخمیوں کو ڈسٹرکٹ ہیڈ کواٹر ہسپتال جہلم ریفر کر دیا ۔ تفصیلات کے مطابق گزشتہ روز دینہ کے قریب پنڈوری کے مقام پر ٹریفک کا خوفناک حادثہ پیش آیا ، تیز رفتار کار ڈرائیور سے بے قابو ہو کر سڑک سے گہری کھائی میں جا گری جس سے کار میں سوار 22سالہ خاتون اور ایک سالہ بچہ رئیس ولد محمد اسماعیل شدید زخمی ہو گئے ، حادثے کی اطلاع ملتے ہی ریسکیو 1122موقع پر پہنچ گئی اور دونوں ماں بیٹے کو ڈسٹرکٹ ہیڈ کواٹر ہسپتال جہلم ریفر کر دیا ، بتایا جاتا ہے کہ حادثے کا شکار ہونے والی کار منگلا سے دینہ کی طرف آ رہی تھی ۔
