دینہ (رضوان سیٹھی سے) دینہ شہر کی مصروف ترین منگلا روڈ شہری حدود میں عرصہ دراز سے جگہ جگہ پر ٹوٹ پھوٹ کا شکار، آئے روز موٹرسائیکل سوار گر کر زخمی ہونے لگے منگلا روڈ سے گزرنے والی قیمتی گاڑیاں بھی تباہ ہونے لگیں راہگیروں کو شدید مشکلات کا سامنا، شہریوں نے وزیر اعلیٰ پنجاب، ڈپٹی کمشنر جہلم اور ہائی وے سے مطالبہ کیاہے کہ منگلا روڈ دینہ کی روڈ کو نئے سرے سے تعمیر کیا جائے۔ تفصیلات کے مطابق دینہ شہر کی اکلوتی مصروف ترین منگلا روڈ شہری حدود میں عرصہ دراز سے جگہ جگہ پر ٹوٹ پھوٹ کا شکار ہے جس کو تعمیر ہوئے کئی سال گزر چکے ہیں اس منگلا روڈ سے روزانہ ہزاروں گا ڑیوں کا گزر ہوتا ہے شہر کی زیادہ ترآبادی کا حصہ منگلا روڈ کی طرف واقع ہے مگر آج تک کسی نے بھی اس طرف توجہ دینا مناسب نہ سمجھا قیمتی گاڑیاں بھی گزرنے کی وجہ سے تباہ ہو رہی ہیں جبکہ روزانہ کی بنیاد پر کئی موٹرسائیکل سوار گر کر زخمی بھی ہو چکے ہیں شہریوں نے شدید احتجاج کرتے ہوئے وزیر اعلیٰ پنجاب مریم نواز شریف، ڈی سی جہلم اور محکمہ ہائی وے سے فوری نوٹس لینے کا مطالبہ کیا اور کہا کہ عرصہ دراز سے بنی منگلا روڈ دینہ کو جلد از جلد نئے سرے سے منگلا روڈ کی تعمیر کرنے کا مطالبہ کیا۔
