دینہ (رضوان سیٹھی سے) دینہ میں شارٹ سرکٹ کے باعث غریب محنت کش کے گھر میں آگ بھڑک اٹھی دیکھتے ہی دیکھتے آگ نے پورے گھر کو اپنی لپیٹ میں لے لیا بیٹی کے جہیز کے سامان سمیت پورا گھر جل کر راکھ کا ڈھیر بن گیا 20لاکھ سے زائد مالیت کا نقصان ایک گھنٹہ تک لگنے والی آگ کو ریسکیو 1122نےقابوپایاغریب محنت کش تمام جمع پونجی سے محروم تفصیلات کے مطابق دینہ ہڈالی کھوکھرروڈپرصبح ساڑھے دس بجے کے قریب محنت کش محمد رئیس ولد سید گل کے گھر اچانک شارٹ سرکٹ کے باعث گھر میں آگ بھڑک اٹھی اور دیکھتے ہی دیکھتے آگ نے پورے گھر کو اپنی لپیٹ میں لے لیا جس سے محمد رئیس کی بیٹی کے جہیز سمیت پورا گھر جل کر راکھ کا ڈھیر بن گیا رمضان المبارک کے بعد بیٹی کی شادی تھی جس سے گھر میں پڑے لاکھوں روپے مالیت کے 2تولےطلائی زیورات ،نقدی،برتن،قیمتی کپڑے ،الماری،بسترے،اورپورے گھر کا سامان جن کی مالیت 20لاکھ سے زائد بتائی جاتی ہے جل کر خاکستر ہو گئے ایک گھنٹہ تک لگنے والی آگ کو ریسکیو 1122اوراہل علاقہ کی کوششوں سے قابو پایا ،متاثرہ محمد رئیس نے گفتگو کرتے ہوئے بتایا کہ میرا سب کچھ جل کر راکھ کا ڈھیر بن گیا ہے وزیر اعلیٰ پنجاب مریم نواز شریف سمیت دیگر حکومتی نمائندوں سے اپیل ہے کہ وہ میری مدد کریں
