جہلم (نعیم احمد بھٹی) رات گئے حکومت نے پیٹرولیم مصنوعات میں ہوشربا اضافہ کر کے عوام پر ایٹمی میزائیل داغ دیا پیٹرولیم مصنوعات کی قیمتوں میں ریکارڈ اضافہ پٹرول کی قیمت میں 137 روپے 23 پیسے فی لیٹر اضافہ، نئی قیمت 458 روپے 40 پیسے مقرر ڈیزل 184 روپے 49 پیسے مہنگا، نئی قیمت 520 روپے 35 پیسے فی لیٹر مہنگائی کی چکی میں پسی عوام کو مزید ہوشربا مہنگائی میں دھکیل دیا گیا سفید پوش طبقہ کی زندگی بھی اجیرن ساتھ ہی حکومت کا موٹر سائیکل سواروں کے لیے ریلیف 3 ماہ کے لیے ماہانہ 20 لیٹر پٹرول 100 روپے فی لیٹر سستا دیا جائے گا تفصیلات کے مطابق حکومت نے رات کے اندھیرے میں عوام پر پیٹرولیم مصنوعات کی قیمتوں میں ہوشربا اضافہ کر کے عوام پر ایٹمی میزائیل داغ دیا عوام مہنگائی کے نئے طوفان کے لیے تیار ہو جائیں ہر اشیا مہنگی ہونے کا امکان ٹرانسپورٹر کرایوں میں اضافہ کرنے کو تیار پیٹرولیم مصنوعات کی قیمتیں بلند ترین سطح پر پہنچ گئیں سفید پوش طبقہ کی زندگی بھی اجیرن بنا دی گئی کم آمدنی والے طبقہ کے لوگوں کو حکومت نے مزید مشکلات میں ڈال دیا شہری پیٹرولیم مصنوعات کی قیمتوں کو سن کر پھٹ پڑے شہریوں نے پیٹرولیم مصنوعات کی قیمتوں پر بات چیت کرتے ہوئے کہا کہ حکومت ہمیں لائنوں میں کھڑا کر کے ہمیں گولی مار دے ہمارے بچوں کے لیے روٹی روزی کا سلسلہ بھی بند ہونے لگا پہلے ہی ہوشربا مہنگائی نے جینا دوبھر کر رکھا ہے بجلی اور گیس کی قیمتوں میں ہوشربا اضافہ ہوچکا اب مزید پیٹرولیم مصنوعات کی قیمتیں بڑھنے سے ہمارے اخرجات بھی بڑھ جائیں گے اتنی آمدنی نہیں جتنے اخراجات ہیں شہریوں نے مزید کہا کہ حکومت اپنے وزیروں مشیروں کے اخراجات کم نہیں کرتی اور غریبوں کو جیتے جی مار رہی ہے شہری امجد نے کہا کہ میں کرائے کے مکان میں رہتا ہوں میرے تین بچے ہیں میری آمدنی تیس ہزار روپے ہے میں کیسے گزارہ کروں اب تو دو وقت کی روٹی کھانا بھی حکومت نے مشکل بنا دیا ہے کیا ہم اب اپنے بچے فروخت کرنا شروع کر دیں شہری پھٹ پڑے جہلم کے شہریوں نے پیٹرولیم مصنوعات کی قیمتوں کو یکسر مسترد کر دیا
