بڑاگواہ میں ٹیوٹا گاڑی اور موٹر سائیکل کے درمیان خوفناک تصادم،1نوجوان جانبحق،1زخمیجانبحق اور زخمی نوجوان کو ریسکیو نے ہسپتال منتقل کردیا،دونوں بڑاگواہ کے گاٶں سمولس کے رہاٸشی تھے،پولیس نے بھی جاۓحادثہ کا دورہ کرکے شواہد جمع کرلیے
۔سوہاوہ:(محمدنبیل حسن)تفصیلات کیمطابق ٹیوٹا گاڑی نمبری ایل ایکس ایکس 6799 اور موٹر سائیکل نمبری اے این ایم 6742 کے درمیان خوفناک تصادم ہوا،ایک نوجوان موقع پر یا ہسپتال منتقل ہوتے ہوئے جانبحق ہو گیا، جبکہ دوسرا شدید زخمی ہے۔دی فاسٹ سکول اینڈ کالج بڑاگواہ کا فرسٹ ایئر کاطالب علم حامدولد قربان حسین جانبحق جبکہ دی ویژن کالج بڑاگواہ کا دسویں جماعت کا طالب علم عبدالرحمن ولد لال حسین (مرحوم) زخمی ہوادونوں بڑاگواہ کے گاٶں سمولس کے رہاٸشی تھے،اطلاع ملتے ہی ریسکیو 1122موقع پر پہنچ گٸی،جبکہ مقامی کولوگوں کی بڑی تعداد بھی موقع پر پہنچ کرامدادی کارواٸیاں شروع کیں۔ دونوں نوجوانوں کو فوری طور پر رورل ہیلتھ سنٹر ڈومیلی منتقل کر دیا گیا ہے۔ جبکہ تھانہ ڈومیلی پولیس نے بھی موقع پر پہنچ کرشواہد جمع کٸے اور بعد ازاں ٹیوٹا اور موٹرساٸیکل دونوں کو تھانے منتقل کردیاگیا۔اس حادثے کے بعد تعلیمی اداروں اور مقامی آبادی میں سوگ کی لہر دوڑ گئی ہے۔والدین غم سے نڈھال دیکھاٸی دیٸے،حادثے کی وجوہات تاحال سامنے نہ آسکی۔ اللہ تعالیٰ جانبحق ہونے والے نوجوان حامد کے درجات بلند فرمائے اور زخمی عبدالرحمن کو جلد اور مکمل شفا عطا فرمائے۔ آمین۔
