قرآن کریم اللہ کریم کا ذاتی کلام ہے اسے حفاظت الہیہ نصیب ہے۔زندگی کے ایک ایک پہلو میں راہنمائی فرماتا ہے۔یوم الست سے لے کر اس دنیا اورپھراس دنیا کے ساتھ ساتھ آخرت کی بھی ایک ایک بات سے آگاہ کرتا ہے۔امیر عبد القدیر اعوان
جہلم( ادریس چودھری )قرآن کریم اللہ کریم کا ذاتی کلام ہے اسے حفاظت الہیہ نصیب ہے۔زندگی کے ایک ایک پہلو میں راہنمائی فرماتا ہے۔یوم الست سے لے کر اس دنیا اورپھراس دنیا کے ساتھ ساتھ آخرت کی بھی ایک ایک بات سے آگاہ کرتا ہے۔اسے دیکھنا ثواب ہے اسے پڑھنا ثواب ہے اسے چھونا ثواب ہے اسے سننے سے اجرو ثواب ملتا ہے گھروں میں اس کتاب کا ہونا باعث برکت ہے۔لیکن اصل بات یہ ہے کہ راہ ہدایت اس سے نصیب ہوتی ہے متقی کی کیفیت نصیب ہوتی ہے اللہ کریم سے تعلق مضبوط ہوتا ہے ہمیں اس کتاب کے مطابق اپنی زندگیوں کو ڈھالنے کی ضرورت ہے اس پر عمل پیرا ہونے کی ضرورت ہے۔ امیر عبدالقدیر اعوان شیخ سلسلہ نقشبندیہ اویسیہ کا برطانیہ سوانسی ویلز میں سراجا منیرا کانفرنس سے خطاب۔ انہوں نے کہا کہ قرآن کریم کا وہ ترجمہ وہ مفہوم پڑھیں جو نبی کریمﷺ نے ارشاد فرمایا ہے۔اللہ کریم کا احسان کہ اس نے ہمیں پیدا فرمایا ہمیں یہ دیکھنے کی ضرورت ہے کہ ہمارا کردار کیا ہے؟خود کو اور اپنی اولادوں کو ضروریات دین سے آشنا کرائیں۔وہ حصہ جو ہمیں حقائق سے آگاہ کرے وہاں ہمارا رابطہ بحال ہونے کی ضرورت ہے۔ہم سب جانتے ہیں کہ نماز سب سے بڑا فرض ہے قرآن کریم فرماتا ہے بے شک نماز برائی اور بے حیائی سے روکتی ہے لیکن کیا وجہ ہے کہ ہم نماز بھی پڑھ رہے ہیں پھر بھی ہمارے معاشروں سے بے حیائی اور برائی نہیں جاتی۔ انہوں نے مزید کہا کہ فرائض نبوت میں تزکیہ نفس کی بھی بات آتی ہے۔اللہ کریم فرماتے ہیں غفلت میں نہ پڑجانا یعنی میری یاد کو مقد م رکھنا۔اپنی زندگیوں کو سنت خیر الانام سے مزین کریں۔آخر میں انہوں نے قلبی ذکر کی اہمیت پر بات کی اور خواتین و حضرات کو قلبی ذکر سکھایا۔یاد رہے کہ حضرت امیر عبدالقدیر اعوان برطانیہ کے روحانی دورے پر ہیں جہاں برطانیہ کے مختلف شہروں میں سراجا منیرا کانفرنسز کا انعقاد ہو گا اور لیکچرز ہوں گے۔
