امیر عبدالقدیر اعوان شیخ سلسلہ نقشبندیہ اویسیہ روحانی تربیتی دورہ برطانیہ مکمل کرنے کے بعد وطن واپس پہنچ گئے
۔جہلم( ادریس چودھری )امیر عبدالقدیر اعوان شیخ سلسلہ نقشبندیہ اویسیہ روحانی تربیتی دورہ برطانیہ مکمل کرنے کے بعد وطن واپس پہنچ گئے۔حضرت امیر عبدالقدیر اعوان شیخ سلسلہ تین ہفتے کے روحانی تربیتی دورہ برطانیہ مکمل ہونے کے بعد واپس اسلام آباد ایئر پورٹ پہنچے جہاں ان کا سالکین سلسلہ عالیہ کی کثیر تعداد نے والہانہ استقبال کیا،پھولوں کی پتیاں نچھاور کیں اور پھولوں کے گلدستے بھی پیش کیے۔حضرت نے فرداً فرداً آنے والے ہر سالک کے ساتھ مصافحہ کیا اور خیریت دریافت کی۔یاد رہے کہ امیر عبدالقدیر اعوان شیخ سلسلہ برطانیہ میں روحانی تربیتی دورے پر تھے جہاں برطانیہ کے مختلف شہروں جن میں والز،لندن،برمنگھم،مانچسٹر،بریڈفورڈ،نیوکاسل میں سراجا منیرا کانفرسز کا انعقاد کیا گیا جس میں حضرت نے لیکچرز دئیے۔ان پروگرامز میں خواتین و حضرات کی کثیر تعداد نے شرکت کی۔برطانیہ میں سلسلہ نقشبندیہ اویسیہ کے مراکز (دارالعرفان) کا بھی دورہ کیا جو برمنگھم اور بریڈفورڈ میں ہیں جہاں سلسلہ عالیہ کے سالکین کی ذکر قلبی کے حوالے سے تربیت فرمائی اور ان کے اسباق کرائے۔برطانیہ میں سلسلہ نقشبندیہ اویسیہ کا باقاعدہ تنظیمی سیٹ اپ موجود ہے جس کے تحت یہ سارے پروگرامز طے پاتے ہیں۔اس کے علاوہ جمعتہ المبارک کے بیانات جو کہ لندن ہونسلو سینٹرل مسجد اور دارالعرفان بریڈفورڈ میں ہوئے۔پاکستانی کمیونٹی کے علاوہ مختلف کمیونٹیز سے انفرادی اور اجتماعی ملاقاتیں بھی ہوئیں۔برطانیہ میں مختلف ٹی وی چینلز نے حضرت کے ساتھ لائیو پروگرامز بھی کیے جن میں اسلام ٹی وی چینل اور ڈی ایم ٹی وی چینل بھی شامل ہیں۔آپ کے اس سالانہ دورہ برطانیہ کی وہاں کی پرنٹ میڈیا اور سوشل میڈیا اور الیکٹرانک میڈیا نے بھر پور کوریج بھی کی۔حضرت کا یہ بہت مصروف ترین دورہ رہا جس کے مکمل ہونے کے بعد واپس وطن پہنچے اور اسلام آباد ایئر پورٹ پر آپ کا شاندار استقبال کیا گیا۔
