دینہ(سید جواد نقوی ) نجی ہوٹل میں پریس کلب دینہ کا پہلا باضابطہ اجلاس کا انعقاد, اجلاس میں اپوزیشن سمیت ممبران کی کثیر تعداد شریک, متنازعہ مسائل کے حل کےلئے پانچ رکنی ثالثی کمیٹی کی تشکیل۔ تفصیلات کے مطابق گزشتہ روز پریس کلب دینہ کے عہدیداران اور ممبران کا پہلا باضابطہ اجلاس زیرِ صدارت ربنواز گوندل نجی ہوٹل جی ٹی روڈ منعقد ہوا۔ اجلاس کا باقاعدہ آغاز تلاوت قرآن پاک سے ہوا جس کی سعادت محمد الیاس کھوکھر نے حاصل کی , نائب صدر محمد احسان جنجوعہ نے ہدیہ نعت بحضور سرور کونین (صلی اللّٰہ علیہ وآلہ وسلم) پیش کیا,اجلاس میں جنرل سیکرٹری افتخار احمد مغل نے خطاب کرتے ہوئے کہا کہ کہ پریس کلب ایک گھر کی مانند ہے, عرصہ تیس سال کے بعد جمہوری طریقہ سے الیکشن ہوئے جس میں ہم عہدیداران کامیاب ہوئے جس کےلئے تمام ہاؤس مبارکباد کا مستحق ہے ۔ایک سوال کے جواب میں انھوں نے کہا کہ چند روز قبل ایگزیکٹیو باڈی کا مشاورتی اجلاس ہوا جس میں کچھ تحفظات کی بنیاد پر ملک صداقت کی سربراہی میں امجد محمود سیٹھی سے معاملات ٹھیک ہو گئے تھے لیکن بعد ازاں امجد محمود سیٹھی نے ایگزیکٹیو کا اجلاس طلب کیا جس میں اپنے ہی ساتھیوں کے ناروا سلوک پر چیئرمین شپ سے استعفیٰ دے دیے کر ایگزیکٹیو باڈی ختم کر دی۔ جنرل سیکرٹری نے مزید کہا کہ اجلاس میں باہمی مشاورت سے صحافیوں کے بنیادی حقوق کے حصول کے لیے جہدوجہد کریں گے۔ صدر رب نواز گوندل نے کہا کہ تمام اتحادی قائدین اور ممبران کا شکریہ ادا کرتا ہوں آپ ساتھیوں نے مجھے جو عزت دی اس پر مجھے اور پوری ٹیم کو فخر ہے۔ ادارے کے سربراہ کی حیثیت سے ادارہ ہذا کی ساکھ اور نظم و ضبط کو برقرار رکھا جائے گا اور اپوزیشن کو ساتھ لے کر کے چلوں گا انھوں نے اس عزم کا اظہار کیا کہ پریس کلب کے وقار اور اتحاد پر کسی قسم کا سمجھوتہ نہیں کیا جائے گا اور ہر معاملہ آئین و ضوابط کے مطابق ہی چلایا جائے گا ۔ اس موقع پر نائب صدر محمد احسان جنجوعہ, فنانس سیکرٹری سید جواد حسین نقوی, محمد الیاس کھوکھر, اپوزیشن راہنما یاسر صدیق , سید فرحان شاہ, ملک اسد اعوان, ذوالفقار کیانی اور ماجد نے خطاب کرتے ہوئے تمام ہاؤس کو مبارکباد دی اور ادارہ ہذا کی بہتری , یکجیتی و اتحاد کے فروغ اور ساتھیوں کی فلاح و بہبود کےلئے بہترین تجاویز پیش کرتے ہوئے پریس کلب کی بہتری کےلئے مثبت کردار ادا کرنے پر زور دیا ۔ اس موقع پر صدر رب نواز گوندل نے پانچ رکنی کمیٹی تشکیل دی جو ناراض ارکان کی چائز شکایات سن کر ان کا ا،الہ اور بہتری کے لیے اپنا مثبت کردار ادا کرے گی ۔ اجلاس میں شعبہ صحافت میں گراں قدر خدمات انجام دینے پر مرحومین ،سابق چئیرمین بلدیہ دینہ میاں محمد عاشق،ملک بوستان , شیخ علی رضا, حافظ آصف علی اور بابا شاکر کی کامل بخشش اور بلندی درجات کیلئے اجتماعی فاتحہ خوانی کی گئی ۔اجلاس کے اختتام پر ادارہ ہذا کے عہدیداران و ممبران اعزاز میں پر تکلف ٹی پارٹی کا اہتمام کیا گیا ۔
