پرائس کنٹرول کمیٹی کی طرف سے جاری کردہ ریٹ لسٹ پر عمل نہ کرنا دکانداروں نے مذاق بنا لیا ۔ خود ساختہ مہنگائی برپا کر کے انتظامیہ کے اقدامات پر پانی پھیرنا شروع کر دیا
منگلا(آصف محمود چودھری)خود ساختہ مہنگائی برپا کر کے انتظامیہ کےپرائس کنٹرول کمیٹی کی طرف سے جاری کردہ ریٹ رسٹ پر عمل نہ کرنا چند دکانداروں نے مذاق بنا لیا خود ساختہ مہنگائی برپا کر کے انتظامیہ کے اقدامات پر پانی پھیرنا شروع کر دیا دوسری جانب انتظامی افسران چیکنگ جرمانے کا سلسلہ جاری رکھے ہوئے ہے جیسے ہی جرمانہ کر کے کوئی افسر وہ واپس جاتا ہے یہ چند لوگ دوبارہ وہی ریٹ وہی رویہ جاری رکھتے ہیں بلکہ جرمانے کے بعد اور ریٹ تیز کر دیے جاتے ہیں تفصیلات کے مطابق ڈپٹی کمشنر میر پور کی ہدایت پر خود ساختہ مہنگائی کرنے والوں کے خلاف کاروائیاں کی جاتی ہیں جس میں مختلف انتظامی افسر صفائی ستھرائی نہ کرنے والوں ناقص اور مہنگی اشیاء فروخت کرنے والوں کے خلاف کاروائی کرتے ہیں لیکن کچھ دکانداروں نے پرائس کنٹرول کمیٹی کی لسٹ پر عمل نہ کرنے کی تھان رکھی ہے خاص طور پر چند قصائی سرکاری ریٹ لسٹ پر گوشت فراہم نہیں کرتے موٹا گوشت چھوٹا گوشت اپنی اپنی من مانی کی قیمت پر فروخت کرتے ہیں دوسری جانب برائلر مرغ بھی ایسے ہی فروخت ہو رہا ہے سبزی پھل والوں کا بھی یہی حال ہے کریانہ جنرل سٹور والے بھی من مرضی کے ریٹ لگاتے ہیں دودھ دہی والے سرکاری ریٹ پر عمل نہیں کرتے پرائس کنٹرول لسٹ والا دن دو بجے دکانداروں کو 20 روپے کی فوٹو کاپی مہیا کرتا ہے تب تک عوام خریداری کر چکی ہوتی ہے جب سرکاری ریٹ لسٹ دکانداروں کے پاس اتی ہے مچھلی فروش بھی کسی سے کم نہیں فارمی مچھلی لا کر منگلا ڈیم کے نام پر انتہائی مہنگے دامو فروخت کی جاتی ہے عوام نے ڈپٹی کمشنر میرپور سے مطالبہ کیا ہے منظم طریقے سے چیکنگ کا نظام درست کیا جائے تاکہ عوام کو سرکاری ریٹ لسٹ کے تحت خوردونوش کی چیزیں مہیا ہو سکیں اور ناقص غیر معیاری اشیاء فروخت کرنے والوں کے خلاف سخت کاروائی کی جائے منگلا چتر پڑی منگلا ہیملٹ چیچیاں جاتلاں میرپور سخت چیکنگ کر کے دکانداروں کو پرائس کنٹرول لسٹ کے مطابق اشیاء خرد و نوش فروخت کرنے کا پابند بنایا جائے اور سرکاری ریٹ لسٹ دکانداروں کو صبح 10 بجے تک مہیا کرنے کا بندوبست کیا جائے عوام نے ڈپٹی کمشنر سے نوٹس لینےکا مطالبہ کر دیا
