*عوامی مسائل کا فوری اور منصفانہ حل میری اولین ترجیح ہے۔اسسٹنٹ کمشنر سوہاوہ غزالہ اصغر*
جہلم(ظہیر عبّاس)تفصیلات کے مطابق ڈپٹی کمشنر جہلم اور پنجاب حکومت کی ہدایات پر عملدرآمد کو یقینی بنانے کے لیے اسسٹنٹ کمشنر سوہاوہ غزالہ اصغر کی کوششوں کو عوامی و صحافتی حلقوں نے قابلِ تحسین قرار دیا ہے۔ اسی سلسلے میں دو سینئر صحافیوں پروفیسر خورشید علی ڈار اور ظہیر عباس نے اسسٹنٹ کمشنر سوہاوہ سے خصوصی ملاقات کی۔ملاقات کے دوران غزالہ اصغر نے کہا کہ ریونیو میں اضافہ، عوامی مسائل کا فوری اور منصفانہ حل، اور فلاحی اقدامات کی مضبوطی ان کی بنیادی ترجیحات ہیں۔ انہوں نے بتایا کہ خواتین کو بااختیار اور با روزگار بنانے کے لیے مختلف این جی اوز کے ساتھ مل کر عملی اقدامات کیے جا رہے ہیں تاکہ خواتین کو معاشی اور سماجی طور پر مضبوط بنایا جا سکے۔اسسٹنٹ کمشنر نے مزید کہا کہ امن و امان کی صورتحال کو مزید بہتر بنانے کے لیے ڈی ایس پی سوہاوہ کے ساتھ مربوط حکمتِ عملی کے تحت کام جاری ہے، جس کے مثبت نتائج سامنے آئیں گے۔صحافیوں نے غزالہ اصغر کی انتطامی کارکردگی، عوامی رابطہ مہم اور فلاحی جذبے کو سراہتے ہوئے کہا کہ ان کے اقدامات سے سوہاوہ میں گورننس اور عوامی سہولیات کی فراہمی مزید مستحکم ہو رہی ہے۔
