دینہ:سابق سکول ٹیچر چودھری عبدالغفور اچانک دل کا دورہ پڑنے سے گاؤں چھنی گجراں میں انتقال کر گئے۔ نماز جنازہ میں سینکڑوں افراد کی شرکت
دینہ(ادریس چودھری)سابق سکول ٹیچر چودھری عبدالغفور اچانک دل کا دورہ پڑنے سے گاؤںچھنی گجراں میں انتقال کر گئے۔ نماز جنازہ میں سینکڑوں افراد کی شرکت۔تفصیلات کے مطابق ماسٹر چودھری عبدالرشید کے چھوٹے بھائی،چودھری لقمان صفدر ایڈووکیٹ کے بہنوئی، چودھری محمد محسن عزیز، چودھری محمد حمزہ حسن کے والد محترم اور ماسٹر چودھری عبدالمجید نمبردار مرحوم کے بیٹے سابقہ سکول ٹیچر چودھری عبدالغفور اچانک دل کا دورہ پڑنے سے گزشتہ روز گاؤں چھنی گجراں تحصیل دینہ میں انتقال کر گئے۔ان کی نماز جنازہ مقامی جنازہ گاہ میں ادا کر دی گئی۔ نماز جنازہ میں اساتذہ،طلباء،سیاسی و سماجی شخصیات سمیت علاقے بھر سے سینکڑوں افراد نے شرکت کی۔ بعد ازاں مرحوم کو مقامی قبرستان میں سپرد خاک کر دیا گیا۔
