جہلم: ٹریکٹر ٹرالی اور موٹر سائیکل میں تصادم، 18 سالہ نوجوان جاں بحق
جہلم (رپورٹ: ادریس چودھری) جہلم سٹی ہاؤسنگ سوسائٹی کے قریب ٹریکٹر ٹرالی اور موٹر سائیکل کے درمیان خوفناک تصادم کے نتیجے میں 18 سالہ نوجوان جاں بحق ہو گیا۔
ریسکیو 1122 کے مطابق حادثے کی اطلاع ملتے ہی ریسکیو ٹیم فوری طور پر موقع پر پہنچ گئی اور ضروری کارروائی کے بعد جاں بحق نوجوان کی میت ڈی ایچ کیو ہسپتال جہلم منتقل کر دی۔
جاں بحق ہونے والے نوجوان کی شناخت محمد حفیظ ولد یار محمد کے نام سے ہوئی ہے، جس کی عمر 18 سال بتائی گئی ہے۔
حادثے کے باعث علاقے میں افسوس کی فضا پھیل گئی۔
