جہلم ( بیورو رپورٹ ) رُورل ہیلتھ سنٹر دینہ ، ڈیوٹی ڈاکٹر کے خلاف انکوائری شروع ، غفلت کے مرتکب ڈاکٹر کے خلاف ضرور کاروائی ہوگی ، سی ای او ہیلتھ جہلم میاں مظہر حیات کی سینئر صحافی محمد الیاس کھوکھر سے ٹیلفونک گفتگو ، تفصیلات کے مطابق سینئر صحافی محمد الیاس کھوکھر جو کہ ایک روڈ ایکسیڈنٹ میں شدید زخمی ہوگئے تھے اور جنھیں آر ایچ سی دینہ کے ایمرجنسی میں موجود ڈاکٹر نے صرف انجیکشن اور ٹیبلٹ دی کر رخصت کر دیا تھا ۔ گزشتہ دنوں جب قومی اور مقامی اخبارات میں آر ایچ سی دینہ کی غفلت کی خبر شائع ہوئی تو سی ای او ہیلتھ جہلم ڈاکٹر میاں مظہر حیات نے فوری طور پر سینئر صحافی محمد الیاس کھوکھر سے فون پر رابطہ کیا اور کہا کہ میں نے اس غفلت کا فوری طور پر نوٹس لے لیا ہے ۔ انھوں نے یقین دلایا کہ انشاء اللہ میرٹ پر صاف اور شفاف انکوائری ہو گی ۔ صحافتی حلقوں میں سی ای او ہیلتھ میاں مظہر حیات کے اس اقدام کو سراہا جا رہا ہے ۔ دینہ کے صحافیوں سید جواد حسین نقوی ، سید علی نقی نقوی ، ادریس چوہدری ، افتخار احمد مغل ، نثار احمد مغل ، اشتیاق میر ، رضوان میر اور اصغر علی عُمر نے امید ظاہر کی ہے کہ آر ایچ سی دینہ میں غفلت برتنے پر صاف اور شفاف انکوائری ہو گی ۔
