تحصیل دینہ کے مختلف علاقوں میں لاؤڈ اسپیکر پر اپنی اشیاء فروخت کرنے والے موبائل دکانداروں کا راج۔ لوگوں کا سکون چھین لیا۔ انتظامیہ خاموش تماشائی بن گئی
دینہ( رپورٹ ادریس چودھری ) تحصیل دینہ کے گاؤں مدوکالس میں لاؤڈ اسپیکر پر اپنی اشیاء فروخت کرنے والے موبائل دکانداروں کا راج۔ کئی دکانداروں کو وارننگ جاری۔ ۔ تفصیلات کے تحصیل دینہ کے گاؤں مدوکالس، تھانہ منگلا کینٹ کی حدودِ اور گردونواح میں لاؤڈ اسپیکر پر اپنی اشیاء فروخت کرنے والوں نے یلغار کر رکھی ھے۔ لوگوں کا سکون برباد ھے۔ موٹر سائیکلوں اور رکشاؤں پر نمبر پلیٹیں موجود نہیں ہیں ۔ مساجد میں نمازی ان سے تنگ ھیں۔ اسپیکر ایکٹ کی سر عام خلاف ورزی کی جا رہی ھے۔ دینہ کی سرکاری انتظامیہ اس معاملے پر چپ سادھ کر بیٹھی ھوئی ھے۔ مقامی لوگوں نےاپنے طور پر ان موبائل دکانداروں کو وارننگ دینا شروع کر دی ہے۔ مستقبل قریب میں اگر اسپیکر ایکٹ کے خلاف ورزی کا سلسلہ بند نہ ھوا تو ان دکانداروں کے خلاف فوجداری مقدمات درج کرائے جائیں گے۔
