منگلا میر پور(آصف محمود چوہدری) خشک سردی چھوٹے بچوں کی بیماریوں میں اضافے کا سبب بنتی ہے معصوم بچوں کو سردی سے بچائیں معروف چائلڈ سپیشلسٹ ڈاکٹر محمد شفیق مرزا کی خصوصی گفتگو تفصیلات کے مطابق منگلا کے رہائشی معروف چائلڈ سپیشلسٹ ڈاکٹر محمد شفیق مرزا نے خصوصی گفتگو کرتے ہوئے کہا کہ معصوم چھوٹے بچوں کو سردی کی بیماریوں سے بچانے کے لیے انتہائی احتیاط کی ضرورت ہے ٹھنڈے پانی اور ٹھنڈی ہوا سے بچوں کو بچانا چاہیے جبکہ غذاؤں کا خیال بھی رکھنا چاہیے انہوں نے کہا کہ غیر معیاری پاپڑ سلانٹی وغیرہ بھی بچوں کو کھانے کے لیے نہ دیں اس سے بھی بچے بیمار ہوتے ہیں انہوں نے کہا کہ سردی میں بے شمار بچے ٹھنڈ سے بیمار ہوتے ہیں ان کی حفاظت بہت ضروری ہے خاص طور پر نمونے سے بچانے کے لیے اقدامات ضروری ہیں دوسری جانب ان دنوں نزلہ زکام کی بیماری سے بچنے کے لیے خصوصی توجہ دینے کی ضرورت ہے مختلف بیماریوں کے لیے محکمہ صحت بھرپور اقدامات کرتا ہے جس کے تحت چھوٹے بچوں کی بیماریوں سے بچنے کے لیے حفاظتی ٹیکوں کا کورس اور ٹیکے لگانے کا کورس مکمل کیا جاتا ہے محکمہ صحت کے اقدامات کو اپناتے ہوئے عوام اس پر عمل کریں اور اپنے بچوں کو مختلف بیماریوں سے بچائیں انہوں نے کہا کہ عوامی خدمت کے جذبے کے تحت میں کام کر رہا ہوں انشاءاللہ اسی جذبے کے تحت کام کرتا رہوں گا انہوں نے کہا کہ میں نے اپنی تعلیم کا زیادہ حصہ منگلا میں پورا کیا میری خدمات عوام کے لیے ہیں دن رات عوام کی خدمت کے لیے موجود رہتا ہوں عوام کی بھرپور محبت اور دعائیں میرے ساتھ ہیں
