جہلم (نعیم احمد بھٹی) شہر بھر میں شام کے وقت تعفن زدہ ماحول شام کو مرغی کے فضلے سے بھری گاڑیاں شہر میں دندناتی پھرتی ہیں، تعفن اور آلودگی سے شہری سانس کی بیماریوں میں مبتلا ہونے لگے کوئی پوچھنے والا نہیں شہریوں کا کہنا ہے کہ ان گاڑیوں کا داخلہ رات دس بجے کے بعد شہر میں ہونا چاہئے شہریوں نے ڈپٹی کمشنر میر رضا سے نوٹس لینے کا مطالبہ کیا ہے تفصیلات کے مطابق شہر بھر میں سر شام ہی تعفن زدہ ماحول ہوجاتا ہے مرغی کی دکانوں سے فضلے اٹھانے والی گاڑیوں نے شہریوں کا ناک میں دم کر دیا شہر میں شام کے وقت فضلے اٹھانے والی گاڑیوں کی نقل و حرکت میں اضافہ ہو جاتا ہے ان گاڑیوں سے شدید تعفن پھیلتا ہے جس کے باعث شہریوں کو سانس، کھانسی اور الرجی جیسی بیماریوں کا سامنا کرنا پڑ رہا ہے۔ شہریوں کا کہنا ہے کہ متعدد بار متعلقہ محکموں اور ضلعی انتظامیہ کو شکایات درج کروانے کے باوجود کوئی عملی اقدام نہیں کیا گیا۔ انتظامیہ کی خاموشی عوام میں تشویش اور غم و غصے کا باعث بنی ہوئی ہے۔شہریوں کے مطابق، یہ گاڑیاں بغیر ڈھکے کھلے عام سڑکوں پر چلتی ہیں جس سے آلودگی پھیلتی ہے اور صحت عامہ کا سنگین مسئلہ پیدا ہو رہا ہے ان گاڑیوں کو رات دس بجے کے بعد بازاروں میں آنا چاہیے شہریوں نے ڈپٹی کمشنر میر رضا سے فوری کارروائی کا مطالبہ کیا ہے
