جہلم سے پروفیسر خورشید ڈار کی رپورٹ کے مطابق وزیراعلیٰ پنجاب مریم نواز کے احکامات کے مطابق صوبے بھر کی طرح جہلم میں بھی خصوصی افراد کی فلاح و بہبود کے لیے اہم اقدامات جاری ہیں۔اسی سلسلے میں محکمہ سوشل ویلفیئر جہلم کی جانب سے دینہ میں ایک پروقار تقریب کا انعقاد کیا گیا، جس میں 85 معذور افراد میں وہیل چیئرز تقسیم کی گئیں۔تقریب میں مشیر وزیراعلیٰ پنجاب برائے صحت میجر جنرل ریٹائرڈ اظہر محمود کیانی، ڈپٹی کمشنر جہلم میر رضا اوزگن، ڈپٹی ڈائریکٹر سوشل ویلفیئر خضر حیات خان، سی ای او ایجوکیشن ڈاکٹر نازیہ شہزادی اور ڈویژنل سوشل ویلفیئر کے محمد شاہد رانا نے خصوصی شرکت کی۔جہلم کی معروف سماجی شخصیت ایڈووکیٹ فرحت کمال ضیا بھی تقریب کی رونق بنے۔ان کی سماجی خدمات کو اعزاز دیتے ہوئے ڈویژنل ڈائریکٹر نے انہیں شیلڈ پیش کی۔اس موقع پر عبدالغفور چوہان اور محمد عمر بٹ نے بھی خصوصی طور پر شرکت کی اور ایڈووکیٹ فرحت کمال ضیا کی خدمات کو سراہتے ہوئے محکمہ سوشل ویلفیئر کی بہترین کارکردگی کو خراجِ تحسین پیش کیا۔تقریب سے خطاب میں مشیر صحت اظہر محمود کیانی نے خصوصی افراد کی بحالی کے لیے پنجاب حکومت کے موثر اقدامات کی تعریف کی۔ڈپٹی کمشنر جہلم میر رضا اوزگن نے کہا کہ ضلعی انتظامیہ اور سوشل ویلفیئر ڈیپارٹمنٹ وزیراعلیٰ پنجاب کے ویژن کے مطابق خصوصی افراد کی فلاح کے لیے جامع اقدامات کر رہے ہیں۔تقریب میں بتایا گیا کہ پنجاب حکومت خصوصی افراد کی سہولت کے لیے اربوں روپے کی خطیر رقم مختص کر چکی ہے، جبکہ وہیل چیئرز کی فراہمی کے ساتھ ’ہمت کارڈ‘ کے اجرا کا سلسلہ بھی جاری ہے۔ ڈپٹی ڈائریکٹر خضر حیات خان کی خدمات کو بھی پروگرام میں سراہا گیا۔شاندار تقریب کے انعقاد میں چوہدری محبوب صدر انجمن تاجراں اور چوہدری راحیل ایڈوکیٹ کا خصوصی تعاون بھی قابل ذکر ہے۔
