دینہ(سہیل انجم قریشی)دینہ 5 کروڑ کی لاگت سے بنائی گئی سبزی منڈی والی روڈ ٹوٹ پھوٹ کا شکار،رات کو سبزی منڈی روڈ پر ڈمپروں کا رش لگ جاتا ہے جس وجہ سے کروڑوں روپے کی لاگت سے بنائی گئی سڑک جگہ جگہ سے ٹوٹ رہی ہے سیورج پائپ لائن آئے روز لیک ہو جاتی ہے جس کی وجہ سے پانی سڑک پر جمع ہو جاتا ہے، ااہل علاقہ شدید مشکلات کا شکار ہیں اہل علاقہ نے اعلی حکام سے نوٹس لینے کا مطالبہ کیا ہے۔تفصیلات کے مطابق دینہ گزشتہ سال دینہ سبزی منڈی روڈ جو کہ پانچ کروڑ روپے کی گرانٹ سے بنائی گئی تھی جگہ جگہ سے ٹوٹ گئی ہے مین سیورج پائپ لائن لیک ہونے کی وجہ سے پانی بھی سڑک کے اوپر جمع ہو جاتا ہے پائپ لائن اور سڑک پر گڑھے پڑنے کی مین وجہ رات 11 بجے کے بعد سبزی منڈی روڈ پہ ڈمپروں کی امد و رفت ہے اہل علاقہ کو شدید مشکلات کا سامنا ہے اہل علاقہ نے اعلی حکام سے مطالبہ کرتے ہوئے کہا ہے کہ سبزی منڈی روڈ پر جو غیر قانونی ڈمپروں کی امد و رفت ہے ان کو روکا جائے کیونکہ اس روڈ پر ہیوی گاڑیوں کے داخلہ پر پابندی تھی تو پھر کس کی آشیرآباد سے دوبارہ رات کے وقت ہیوی گاڑیوں کا گزر اس سڑک سے ہو رہا ہے انکوائری کروا کر ایسے کرپٹ عناصر کو بھی سزا دی جائے۔
