دینہ:ڈی پی او جہلم کی ہدایات پر ایس ایچ او تھانہ دینہ سرمد الیاس کی جرائم پیشہ عناصر کے خلاف مؤثر کارروائیاں،۔سینیئر صحافی پروفیسر خورشید علی ڈار اور ظہیر عباس سے خصوصی گفتگو

جہلم:ڈی پی او جہلم کی ہدایات پر ایس ایچ او تھانہ دینہ سرمد الیاس کی جرائم پیشہ عناصر کے خلاف مؤثر کارروائیاں
جہلم(پروفیسر خورشید علی ڈار)تفصیلات کے مطابق ڈی پی او جہلم طارق عزیز سندھو کے واضح احکامات کی روشنی میں ایس ایچ او تھانہ دینہ سرمد الیاس جرائم پیشہ عناصر کے خلاف بھرپور اور مؤثر کارروائیاں کر رہے ہیں۔عوام کے جان و مال کے تحفظ اور علاقے میں امن و امان کی فضا قائم رکھنے کے لیے پولیس کی سرگرمیاں مزید تیز کر دی گئی ہیں۔سینیئر صحافی پروفیسر خورشید علی ڈار اور ظہیر عباس سے خصوصی گفتگو کرتے ہوئے ایس ایچ او سرمد الیاس نے کہا کہ جرائم کا خاتمہ پولیس کی اولین ترجیح ہے، تاہم عوام سے خوش اخلاقی، شائستگی اور قانون کے دائرے میں رہتے ہوئے پیش آنا بھی پولیس کی ذمہ داری ہے۔ انہوں نے کہا کہ تھانہ دینہ کے تمام افسران و اہلکاروں کو عوام دوست پولیسنگ کی ہدایات جاری کی گئی ہیں۔ایس ایچ او کا مزید کہنا تھا کہ شہری بلا خوف و خطر پولیس سے تعاون کریں، مشکوک سرگرمیوں کی بروقت اطلاع دیں تاکہ جرائم پیشہ عناصر کے خلاف فوری اور مؤثر کارروائی عمل میں لائی جا سکے۔ انہوں نے یقین دہانی کرائی کہ عوام کے مسائل کو ترجیحی بنیادوں پر حل کیا جا رہا ہے اور علاقے میں قانون کی بالادستی ہر صورت یقینی بنائی جائے گی