دینہ (رضوان سیٹھی سے) دینہ میونسپل کمیٹی کی کاروائی ، دوکانوں کے باہر اور نالوں میں گند پھینکنے پر 2دوکانوں کو سیل کر دیا گیا آئندہ اگر کوئی بھی دوکاندار اپنی دوکانوں کے باہر یا نالوں میں گند پھینکتے ہوئے پکڑا گیا تو کاروائی عمل میں لائی جائے گی ، دوکاندار حضرات اپنے شہر کو صاف ستھرا رکھنے کے لیے ڈسٹ بن کا استعمال کریں چیف آفیسر میونسپل کمیٹی دینہ محمد فیصل کی گفتگو ۔ تفصیلات کے مطابق گزشتہ روز میونسپل کمیٹی دینہ کے چیف آفیسر محمد فیصل اور تجاوزات انسپکٹر عدیل بٹ نے اپنی ٹیم کے ہمراہ ریلوے روڈ اور منگلا روڈ پر کاروائی کرتے ہوئے دوکانوں کا گند باہر اور نالوں میں پھینکنے پر کاروائی کرتے ہوئے 2دوکانوں کو سیل کر دیا اور سختی سے ہدایت جاری کرتے ہوئے کہا کہ دوکاندار حضرات شہر کو صاف ستھرا رکھنے میں میونسپل کمیٹی کا ساتھ دیں اور ڈسٹ بن کا استعمال کریں ورنہ خلاف ورزی پر کاروائی کا عمل جاری رہے گا ۔
