جہلم(ادریس چودھری)وزیراعلیٰ پنجاب محترمہ مریم نواز شریف سوموار کو جہلم ڈی ایچ کیو ہسپتال میں نئی تعمیر شدہ کیتھ لیب کا افتتاح کریں گی!*جہلم میں طبی خدمات کے میدان میں ایک نیا اور اہم اضافہ! تفصیلات کے مطابق بروزسوموار بتاریخ 5 جنوری کو ضلعی ہیڈ کوارٹر ہسپتال جہلم میں نئی تعمیر شدہ کیتھ لیب کا باقاعدہ افتتاح ہو رہا ہے، جس میں وزیراعلیٰ پنجاب محترمہ مریم نواز شریف خصوصی شرکت کریں گی۔ یہ جدید لیب نہ صرف جہلم بلکہ پورے خطے کے مریضوں کے لیے دل کے امراض کی جدید تشخیص اور علاج میں کلیدی کردار ادا کرے گی۔۔اس جدید کیتھ لیب کی بدولت اب جہلم میں دل کے مریضوں کو ہر طرح کی جدید تشخیص اور علاج کی سہولیات اپنے شہر میں ہی میسر آئیں گی، جس سے انہیں دور دراز ہسپتالوں کا سفر نہیں کرنا پڑے گا۔
