چیف ایڈیٹر:طارق محمود چودھری  ایڈیٹر: مظہر اقبال چودھری  مینیجنگ ایڈیٹر: ادریس چودھری

نومبر 18, 2026 7:46 صبح

گورنمنٹ گریجویٹ کالج برائے خواتین جہلم میں والدین و اساتذہ اجلاس، طالبات کی تعلیمی ترقی پر اطمینان کا اظہار

گورنمنٹ گریجویٹ کالج برائے خواتین جہلم میں والدین و اساتذہ اجلاس، طالبات کی تعلیمی ترقی پر اطمینان کا اظہار
جہلم(ظہیر عبّاس)تفصیلات کے مطابق گورنمنٹ گریجویٹ کالج برائے خواتین جہلم میں طالبات کی تعلیمی کارکردگی اور مجموعی نشوونما کے جائزے کے لیے والدین و اساتذہ اجلاس نہایت منظم اور خوشگوار ماحول میں منعقد کیے گئے۔فرسٹ ایئر کی طالبات کے والدین کے ساتھ اجلاس 21 جنوری جبکہ سیکنڈ ایئر کی طالبات کے لیے اجلاس 22 جنوری 2026 کو کالج کے احاطے میں منعقد ہوا۔جس میں والدین کی بڑی تعداد نے شرکت کی۔اجلاس کا مقصد طالبات کی تعلیمی پیش رفت، دسمبر کے امتحانات کے نتائج، حاضری، کلاس روم ڈسپلن اور اخلاقی تربیت پر تفصیلی تبادلۂ خیال کرنا تھا۔اساتذہ نے والدین کو طالبات کی انفرادی کارکردگی سے آگاہ کرتے ہوئے بتایا کہ زیادہ تر طالبات محنت اور دلچسپی سے تعلیم حاصل کر رہی ہیں، جبکہ چند طالبات کو مزید توجہ، مستقل مزاجی اور رہنمائی کی ضرورت ہے۔والدین نے کالج کی پرنسپل اور فیکلٹی ممبران کی تعلیمی خدمات کو بھرپور خراجِ تحسین پیش کیا اور کہا کہ گورنمنٹ گریجویٹ کالج برائے خواتین جہلم معیاری تعلیم کے ساتھ ساتھ طالبات کی کردار سازی اور خود اعتمادی میں بھی اہم کردار ادا کر رہا ہے۔اس موقع پر والدین نے ہم نصابی سرگرمیوں، تعلیمی معاونت اور کیریئر گائیڈنس سے متعلق مفید تجاویز بھی پیش کیں۔کالج فیکلٹی نے والدین کو یقین دہانی کرائی کہ کمزور طالبات کی بہتری کے لیے خصوصی توجہ، اضافی رہنمائی اور مشاورت کا اہتمام کیا جائے گا۔اجلاس کے اختتام پر اس بات پر زور دیا گیا کہ والدین اور اساتذہ کا باہمی تعاون طالبات کی کامیابی کی ضمانت ہے۔مجموعی طور پر یہ اجلاس نہایت کامیاب اور حوصلہ افزا ثابت ہوا۔

Facebook
Twitter
LinkedIn
Pinterest
Pocket
WhatsApp

متعلقہ خبریں

آل پاکستان اہلحدیث کانفرنس کا کامیاب انعقاد، لاکھوں فرزندانِ اسلام کی شرکت حرمین شریفین سے والہانہ محبت کا اظہار ہے، ڈاکٹر فیض احمد بھٹی، حافظ ساجد محمد مدنی ،تقدسِ حرمین شریفین اور استحکامِ پاکستان کے لیے اہلحدیث ہمہ وقت بیدار اور جذبہ قربانی سے سرشار ہیں، سعودی عرب ہمارا محسن اور بلدِ ثانی ہے، دل ہمیشہ سعودی عرب کے ساتھ دھڑکتے رہیں گے۔۔ مقررین

جہلم کا سپوت بلال اقبال یورپین باکسنگ چیمپئن بن گیا، ترکی میں چار ممالک کے باکسرز کو شکست دے کر گولڈ میڈل جیت لیا، چکوڑہ سمیت ضلع بھر میں خوشی کی لہر دوڑ گئی ضلع جہلم کے لیے ایک اور عالمی اعزاز، چکوڑہ کے نوجوان بلال اقبال نے یورپین باکسنگ چیمپئن شپ جیت کر گولڈ میڈل حاصل کر لیا

اس کرہ ارض پر اللہ کریم نے تمام مخلوقات کو انسان کی خدمت پر لگا رکھا ہے جو کہ دن رات اشرف المخلوقات کے لیے کام میں لگے ہوئے ہیں۔ظاہری نعمتوں کے ساتھ ساتھ باطنی نعمتوں کے لیے انبیاء مبعوث فرمائے جو ہمیں اس خلق سے آگے کی خبر دیتے ہیں۔اللہ کریم خالق ہیں جس کو جتنی حیثیت میں رکھا ہے جتنی استعداد دی وہ بہتر جانتا ہے کس کا کیا مقام ہونا چاہیے۔اگر یہ ساری نعمتیں عطا ہوئی ہیں تو ہم بجاآوری میں اللہ کا شکر کیسے ادا کریں؟ کیا ہم اتباع کر رہے ہیں؟ امیر عبدالقدیر اعوان شیخ سلسلہ کا مرکز دارالعرفان منارہ میں دوروزہ ماہانہ روحانی اجتماع پر واشنگٹن امریکہ سے ویڈیو لنک کے ذریعے خطاب

تازہ ترین خبریں

آل پاکستان اہلحدیث کانفرنس کا کامیاب انعقاد، لاکھوں فرزندانِ اسلام کی شرکت حرمین شریفین سے والہانہ محبت کا اظہار ہے، ڈاکٹر فیض احمد بھٹی، حافظ ساجد محمد مدنی ،تقدسِ حرمین شریفین اور استحکامِ پاکستان کے لیے اہلحدیث ہمہ وقت بیدار اور جذبہ قربانی سے سرشار ہیں، سعودی عرب ہمارا محسن اور بلدِ ثانی ہے، دل ہمیشہ سعودی عرب کے ساتھ دھڑکتے رہیں گے۔۔ مقررین