ایس ایچ او تھانہ سوہاوہ اور ٹیم کی احسن کارروائی، کتوں کی لڑائی اور جواء کھیلنے میں ملوث 17 ملزمان گرفتار
جہلم ( حافظ رائے شاہ انس نورانی)تھانہ سوہاوہ پولیس کو اطلاع موصول ہوئی کہ تھانہ سوہاوہ کی حدود میں ایک مقام پر غیر قانونی طور پر کتوں کی لڑائی کروائی جا رہی ہے جس پر لوگ جوا کھیل رہے ہیں ،اطلاع ملتے ہی تھانہ سوہاوہ پولیس نے کارروائی عمل میں لاتے ہوئے جوائے میں ملوث ملزمان کو گرفتار کر لیا گیا،ملزمان سے داؤں پر لگی رقم 01 لاکھ 5080روپے ،18 عدد موبائل فونز،01 عدد موٹر سائیکل،ہائی ایس اور 02 عدد لڑائی والے کتے برآمد کر لیےگئے ،ملزمان کے خلاف تھانہ سوہاوہ میں مقدمہ درج کرلیا ۔ ملزمان سے برآمدگی کا کل تخمینہ 96 لاکھ 50 ہزار 80 روپے بنتا ہے ۔ ڈی پی او جہلم نے کہا کہ غیر قانونی سرگرمیوں، جوئے اور جانوروں پر ظلم کے خلاف زیرو ٹالرنس پالیسی کے تحت کارروائیاں جاری رہیں گی اور ایسے عناصر کے ساتھ کسی قسم کی رعایت نہیں برتی جائے گی
