جہلم(رانا محمد عاصم) اینٹی کرپشن کی بڑی کارروائی، رشوت خور نائب قاصد رنگے ہاتھوں گرفتارجہلم میں کرپشن کے خلاف جاری کریک ڈاؤن کے دوران اینٹی کرپشن تھانہ نے ایک اور بڑی کامیابی حاصل کرلی باغ محلہ کے رہائشی محمد عمر فاروق کی بروقت شکایت پر کارروائی کرتے ہوئے اینٹی کرپشن نے رشوت وصول کرنے والے سرکاری اہلکار کو رنگے ہاتھوں دھر لیاتفصیلات کے مطابق محمد عمر فاروق نے جوڈیشل مجسٹریٹ سید قمر عباس کی عدالت میں درخواست دائر کرتے ہوئے مؤقف اختیار کیا کہ سیٹلمنٹ اے ڈی سی ایل آر آفس میں تعینات نائب قاصد محمد وسیم نے دفتری کام کے عوض پہلے ہی 14 ہزار روپے رشوت وصول کر رکھی ہے، جبکہ اب مزید 20 ہزار روپے کا ناجائز مطالبہ کیا جا رہا ہے۔شکایت کا نوٹس لیتے ہوئے اینٹی کرپشن تھانہ جہلم کے انچارج محمد عمران اسلم کی سربراہی میں خصوصی ٹیم تشکیل دی گئی، جس نے منصوبہ بندی کے تحت کامیاب ٹریپ کارروائی کرتے ہوئے ملزم کو رشوت لیتے ہوئے رنگے ہاتھوں گرفتار کر لیا۔ کارروائی کے دوران ملزم کے قبضے سے 20 ہزار روپے کے نشان زدہ نوٹ بھی برآمد کر لیے گئےاینٹی کرپشن ذرائع کے مطابق ملزم کے خلاف قانونی کارروائی کا آغاز کر دیا گیا ہے جبکہ مزید تفتیش جاری ہے۔ شہریوں نے اینٹی کرپشن کی اس بروقت کارروائی کو سراہتے ہوئے امید ظاہر کی ہے کہ ایسے اقدامات سے کرپشن کے ناسور کے خاتمے میں مدد ملے گی،
