*ایڈیشنل ڈپٹی کمشنر ریوینیو محترمہ سنیہ صافی کی زیرِ صدارت اہم اجلاس، عوامی فلاح و بہبود کے اقدامات کا جائزہ*
جہلم(ظہیر عبّاس)تفصیلات کے مطابق ایڈیشنل ڈپٹی کمشنر ریوینیو محترمہ سنیہ صافی کی زیر صدارت ڈی سی آفس جہلم میں ایک اعلیٰ سطح کا مشاورتی اجلاس منعقد ہوا۔جس میں گڈ گورننس، سروس ڈیلیوری کی بہتری اور عوامی فلاح و بہبود کے منصوبوں پر تفصیلی غور کیا گیا۔اجلاس کے دوران انتظامی امور کو مزید فعال بنانے اور سرکاری خدمات تک شہریوں کی رسائی کو سہل بنانے کے حوالے سے مختلف حکمت عملیوں کا جائزہ لیا گیا۔محترمہ سنیہ صافی نے اس بات پر زور دیا کہ ضلعی انتظامیہ کا بنیادی مقصد عوام کو ان کی دہلیز پر ریلیف فراہم کرنا اور حکومتی پالیسیوں کے ثمرات عام آدمی تک پہنچانا ہے۔اجلاس سے خطاب کرتے ہوئے ایڈیشنل ڈپٹی کمشنر ریوینیو نے متعلقہ افسران کو ہدایات جاری کیں کہ عوامی مسائل کے حل میں کسی قسم کی کوتاہی برداشت نہیں کی جائے گی اور تمام محکمانہ چیلنجز کا ڈٹ کر مقابلہ کیا جائے گا۔ انہوں نے اس عزم کا اعادہ کیا کہ ضلع میں حکومتی پالیسیوں کے مؤثر نفاذ اور شفافیت کو ہر صورت یقینی بنایا جائے گا تاکہ گورننس کے معیار کو مزید بہتر کیا جا سکے۔محترمہ سنیہ صافی نے مزید کہا کہ عوامی شکایات کا فوری ازالہ اور ترقیاتی اہداف کی بروقت تکمیل ہماری اولین ترجیح ہے، جس کے لیے تمام دستیاب وسائل بروئے کار لائے جا رہے ہیں۔
