جہلم:جماعت اسلامی پاکستان کے امیر حافظ نعیم الرحمن کا کراچی سے شروع ہونے والا بنو قابل پروگرام جہلم تک پہنچ گیا ،اس پروگرام کے تحت نوجوانوں کو آئی ٹی کے دس فری کورسز کرائے جائیں گے
جہلم (رپورٹ مشرف جنجوعہ) جماعت اسلامی پاکستان کے امیر حافظ نعیم الرحمن کا کراچی سے شروع ہونے والا بنو قابل پروگرام جہلم تک پہنچ گیا ،اس پروگرام کے تحت نوجوانوں کو آئی ٹی کے دس فری کورسز کرائے جائیں گے ، ابتدائی طور پر جہلم میں دو جگہ کمپیوٹر لیبز بن چکی ہیں ، ایک لیب ٹاہلیانوالہ جہلم میں جبکہ دوسری لیب دینہ میں بنائی گئی ہے جہاں یکم جولائی سے باقاعدہ کلاسز شروع ہو جائیں گی ، جبکہ باقی شہروں میں بھی لیبز تیار کرنے کا پراسس جاری ہے ، بنو قابل پروگرام کے تحت ھفتہ میں دو دن فزیکل کلاسز کے ذریعے ضلع بھر کے نوجوانوں ہنر مند بنایا جائیگا تاکہ وہ اپنا مستقبل روشن بنا سکیں ، جہلم میں بنو قابل کے کوآرڈینیٹر نے بتایا کہ اس سلسلے میں انٹری ٹیسٹ مورخہ 14 جون 2026ء سہ پہر 5.30 بجے گورنمنٹ کمپری ہینسو ہائی سکول کے وسیع گراؤنڈ میں ہو گا جس کا باقاعدہ اجازت نامہ ڈسٹرکٹ گورنمنٹ سے حاصل کر لیا گیا ہے ، انہوں نے مزید بتایا کہ بنو قابل پروگرام میں آن لائن رجسٹریشن 4000 سے تجاوز کر گئی ہے جو اس پروگرام میں نوجوانوں کے زبردست جوش و خروش کو ظاہر کرتی ہے ،
