میرپور منگلا(آصف محمودچوہدری) منگلا ہیملٹ کا سرکاری بنیادی مرکز صحت علاقہ کے مریضوں کو کم وسائل میں بہترین سہولتیں مہیا کرنے لگا میڈیا میں نشاندہی کے بعد مخیر حضرات کے تعاون سے اور حکومتی فنڈ سے مرکز کی حالت بہتر سے بہتر ہونے لگی سٹاف بہترین طریقے سے مریضوں کو طبی سہولیات دینے میں مصروف تفصیلات کے مطابق گزشتہ کچھ عرصہ میں بنیادی مرکز صحت منگلہ ہیملٹ کی حالت قابل رحم تھی عمارت ٹوٹ پھوٹ کا شکار تھی اور مریضوں کے لیے سہولیات بھی کم تھی جس کی میڈیا میں نشاندہی کی گئی جس کے بعد مخیر حضرات کے تعاون سے اور محکمے کی طرف سے خصوصی توجہ دینے پر مرکز کے حالات بہتر ہوئے یاد رہے کہ اس بنیادی مرکز صحت سے لوگوں کو بہت ساری طبی سہولیات میسر ہیں جو کہ پرائیویٹ طور پر مقامی سطح پر میسر نہیں حفاظتی ٹیکہ جات کسی بھی وبائی مرض کے خلاف جلائی جانے والی مہم اور دیگر میڈیکل رپورٹس بھی عوام کو یہاں میسر ہیں اس بنیادی مرکز صحت میں مزید ترقیاتی کام ہونا باقی ہیں جب کہ طبی سہولیات میسر کرنا بھی باقی ہیں مخیر حضرات کے تعاون سے اس بنیادی مرکز صحت کو مزید جدید سہولیات سے عوام کو صحت کی سہولیات میسر کی جا سکتی ہیں حکومتی توجہ کے ساتھ ساتھ مخیر حضرات کا تعاون درکار ہے سٹاف کی کمی ٹرانسپورٹ کی کمی ادویات کا کوٹا بڑھانے کی ضرورت ہے یہاں کام کرنے والا سٹاف بہترین خدمات پیش کر رہا ہے اس بنیادی مرکز صحت پر مزید توجہ دینے کی ضرورت ہے فوری طور پر ایمبولس گاڑی ڈرائیور کی ضرورت ہے جبکہ دیگر ضروریات بھی پوری ہونا ضروری ہے صحن میں ٹف ٹائل یا دیگر بہترین فرش کی ضرورت ہے زچہ بچہ سینٹر کو جدید بنانا اور دیگر سہولیات میسر کرنا انتہائی ضروری ہے تاکہ حاملہ خواتین کو کسی مشکل کا سامنا نہ کرنا پڑے جب کہ رورل ہیلتھ سینٹر یہ ضرورت بھی محسوس ہو رہی ہے اگر یہ سہولت بھی میسر کر دی جائے عوام کا درینہ مسئلہ حل ہو سکتا ہے جب کہ اگر نئی عمارت بھی بنا دی جائے جس کی ضرورت بھی ہے بہترین مسائل کا حل بھی ہو سکتا ہے اس بنیادی مرکز صحت میں طبی سہولت حاصل کرنے والے کسی بھی شخص سے تذلیل والا رویہ نہیں رکھا جاتا سب کو مساوی طبی سہولت دی جاتی ہے کیونکہ ایمرجنسی کسی کو بھی ہو سکتی ہے چاہے امیر ہو یا غریب فوری طبی سہولت ملنا ضروری ہوتا ہے اس لیے اس مرکز صحت کو مثالی مرکز صحت یا رورل ہیلتھ سینٹر بنانے کی ضرورت ہے
