دینہ//ملک ندیم عباس//جہلم نیوز کی خبر پر ایکشن،کچرا اٹھانے کے لیے اضافی گاڑیاں اور عملہ تعینات ،گزشتہ دنوں جہلم نیوز ڈاٹ یو کے کی جانب سے گندگی بارے نشاندہی پر ویسٹ مینجمنٹ کمپنی کے افسروں نے ایکشن لیتے ہوئے صفائی کو مذید بہتر بنانے کے لیے سخت احکامات جاری کردئیے۔ وزیر اعلیٰ پنجاب محترمہ مریم نواز شریف صاحبہ کی خصوصی ہدایات پرتحصیل دینہ میں صفائی کے حوالے سے ایک جامع اور ہنگامی مہم کا آغاز کرد یا گیا۔ایم۔ڈی راولپنڈی ویسٹ مینجمنٹ کمپنی رانا ساجد صفدر کر رہے ہیں، جبکہ تحصیل دینہ میں اس مہم کو مؤثر بنانے کے لیے تحصیل منیجر محمد ولید اور اسسٹنٹ منیجر محمد محسن اپنی ٹیموں کے ساتھ متحرک ہیں۔ تمام اہم شاہراہوں، بازاروں، گلیوں اور محلوں میں صفائی کے عمل کو تیز کر دیا گیا ہے۔ کچرا اٹھانے کے لیے اضافی گاڑیاں اور عملہ تعینات کر دیا گیا, تاکہ کسی قسم کی کوتاہی نہ ہو۔نالوں کی صفائی، سڑکوں کی جھاڑو کشی، اور کچرے کے ڈھیروں کو فوری ہٹانے کا کام جاری ہے۔عوام میں آگاہی مہم بھی چلائی جا رہی ہے تاکہ مقامی آبادی بھی اس عمل میں حصہ لے۔ اس کے علاوہ، صفائی کے معیار کو برقرار رکھنے کے لیے مستقل بنیادوں پر مانیٹرنگ ٹیمیں تشکیل دی گئی ہیں جو روزانہ کی بنیاد پر رپورٹ پیش کر رہی ہیں۔رانا ساجد صفدر نے اس عزم کا اظہار کیا ہے کہ وزیر اعلیٰ پنجاب کے وژن کے مطابق تحصیل دینہ کو ایک ماڈل تحصیل بنایا جائے گا جہاں صفائی اور ماحولیات کے معیار کو بلند رکھا جائے گا
