جہلم (نعیم احمد بھٹی) وزیر مملکت برائے ریلویز بلال اظہر کیانی کی سانحہ جعفر ایکسپریس میں دہشتگردوں سے لڑتے ہوئے جام شہادت نوش پانے والے شہید مرزا جواد کی رہائشگاہ آمد، وزیر مملکت بلال کیانی نے ڈومیلی میں شہید مرزا جواد کے ورثاء سے ملاقات کی اور عظیم قربانی دینے پر شہید مرزا جواد کو خراج تحسین پیش کیا، وزیر مملکت برائے ریلویز نے شہید مرزا جواد کی قبر پر بھی حاضری دی، پھولوں کی چادر چڑھائی اور فاتحہ خوانی کی، بلال اظہر کیانی نے کہا کہ مرزا جواد شہید کی قربانی کو خراج تحسین پیش کرتے ہیں۔ ان کی قربانی ہمارے لیئے مشعل راہ ہے جس کو کبھی فراموش نہیں کیا جا سکتا، وزیر مملکت بلال اظہر کیانی نے مزید کہا کہ شہید اپنی شہادت کے بعد تمنا کرتا ہے کہ کاش اسکے ورثاء غمگین نہ ہوں ،شہید اور اسکے ورثاء کے لیے خدا نے انعام کا وعدہ کیا ہے
